Forseti bæjarstjórnar handtekinn grunaður um fjárdrátt

Magnús Jónasson, for­seti bæj­ar­stjórnar í Fjalla­byggð, er einn þeirra sem var hand­tek­inn í fyrra­dag grun­aður um fjár­drátt hjá Spari­sjóði Siglu­fjarðar. Magnús er fyrr­ver­andi skrif­stofu­stjóri spari­sjóðs­ins. Frétta­vef­ur­inn Vísir greindi frá því í gær að átta menn frá sér­stökum sak­sókn­ara hafi farið norður vegna máls­ins. Í yfir­lýs­ingu frá Spari­sjóði Siglu­fjarðar í gær segir að eftir fyr­ir­spurn frá Sér­stökum sak­sókn­ara, í alls óskyldu máli, hafi komið upp rök­studdur grunur um fjár­drátt fyrrum skrif­stofu­stjóra og í fram­haldi hafi málið verið kært. Rætt var við Ólaf Þór Hauksson, sér­stakan sak­sókn­ara, á RÚV í gær. Hann sagð­ist ekki geta gefið upp hverjar fjár­hæð­irnar séu en sagði þær veru­legar. Ekki náð­ist í Magnús við vinnslu fréttar.

Í sam­tali við Stundina segir Ólafur Þór Hauksson, sér­stakur sak­sókn­ari, að yfir­heyrslum sé lokið og ekki hafi verið þörf á að fara fram á gæslu­varð­hald. „Þegar við förum í svona aðgerðir þá er tekin skýrsla af fólki og það ræðst tölu­vert af því hvað kemur fram þar og hvernig fram­gangur í mál­inu er að öðru leyti hvort það sé til­efni til að óska eftir gæslu eða ekki. Eins og mál stóð þarna þá var ekki til­efni til þess,“ segir Ólafur Þór. Hann segir að rann­sókn standi enn yfir.

Magnús hefur ekki verið starf­andi for­seti bæj­ar­stjórnar allt núver­andi kjör­tíma­bil en Steinunn María Sveins­dóttir úr Sam­fylk­ing­unni hefur sinnt því emb­ætti frá kosn­ingum síð­asta sumar. Í þeim kosn­ingum fékk Sam­fylk­ingin og Fjalla­byggð­ar­list­inn sitt hvora tvo menn kjörna í bæj­ar­stjórn og mynd­uðu í kjöl­farið meiri­hluta.

Tengdur fyrirtæki í bænum

Eig­in­kona Magnúsar, Hrönn Fanndal, á 10,4 pró­senta hlut í verk­taka­fyr­ir­tæk­inu Bás ehf. en það hefur fengið stór verk­efni bæði frá sveit­ar­fé­lag­inu og rík­inu á und­an­förnum árum, meðal ann­ars sem und­ir­verk­taki við Héð­ins­fjarð­ar­göng. Heim­ildir Stund­ar­innar herma að fjár­drátt­ur­inn teng­ist með ein­hverjum hætti Bás, en Hrönn er bók­ari hjá fyr­ir­tæk­inu.

Stundin ræddi við flesta bæj­ar­full­trúa minni­hlut­ans og þótt nær allri könn­uð­ust við málið þá vildi eng­inn tjá sig um málið að svo stöddu. „Þetta er mann­legur harm­leikur og ég held að allir séu bara slegnir út af þessu,“ segir einn bæj­ar­full­trúi. Magnús hefur verið í leyfi frá störfum að und­an­förnu vegna veik­inda.

Yfirlýsing AFLs Sparisjóðs

Í kjöl­far umfjöll­unar Vísis í gær gaf AFLs Spari­sjóður frá sér yfir­lýs­ingu svo hljóð­andi: „Vegna umfjöll­unar um ætl­aðan fjár­drátt fyrr­ver­andi starfs­manns hjá AFL Spari­sjóð Siglu­firði þá vilja stjórn­endur spari­sjóðs­ins koma eft­ir­far­andi á fram­færi. Eftir fyr­ir­spurn frá Sér­stökum sak­sókn­ara, í alls óskyldu máli, kom upp rök­studdur grunur um fjár­drátt fyrrum skrif­stofu­stjóra AFL spari­sjóðs og í fram­haldi af því var málið kært til Sérstaks sak­sókn­ara. Stjórn­endur hjá AFL Spari­sjóð munu ekki tjá sig frekar um málið meðan rann­sókn stendur yfir.“