„Stór hluti þeirra sem eiga við fíkni­vanda að stríða eru við­kvæmar sálir. Þetta er fólk sem hefur ekki bol­magn til þess að takast á við vanda­málin og leita því í vímu­efni til þess að deyfa sig. Oft á tíðum er þetta þannig. Út á við virð­ist þetta fólk vera sterkt en það er skjöldur. Skjöldur fólks sem þarf að gæta þess að hleypa öðrum ekki of nærri sér. Þannig horfir þetta við mér,“ segir móðir konu sem situr í fang­elsi. Konan vill ekki láta nafns síns getið af ótta við við­brögðin. Hún ótt­ast að fólk muni nota það gegn henni fag­lega að hún hafi alið af sér fanga. Þeir sem þekkja til vita að hún á dóttur sem er í rugli en eng­inn veit hvar dóttir hennar er núna. Dóttir hennar hefur einnig gætt þess að halda því leyndu, en rætt var við hana í grein um lífið í fang­elsi …