„Færi­banda­brott­vísun fólks sem leitar eftir alþjóð­legri vernd á Íslandi er röng, vond og ábyrgð­ar­laus og í engu sam­ræmi við þau gildi sem við viljum byggja sam­fé­lagið okkar á. Þessu verður að breyta.“

Þetta segir séra Kristín Þórunn Tóm­as­dóttir, sókn­ar­prestur Laug­ar­nes­kirkju, í sam­tali við Stundina, en hún og Toshiki Toma, prestur inn­flytj­enda, veittu hæl­is­leit­end­unum Ali Nasir og Mejed, sem vísa átti úr landi, skjól í kirkj­unni aðfara­nótt þriðju­dags. 

Var þetta gert með vil­yrði bisk­ups­emb­ætt­is­ins og gripið til úrræð­is­ins í von um að lög­regla myndi virða forna siði um kirkju­grið. Það gerði lög­reglan hins­vegar ekki en mynd­band þar sem íslenskir lög­reglu­menn hand­taka menn­ina við alt­arið og draga þá út með valdi hefur vakið athygli hér á landi sem og erlendis. Menn­irnir hafa verið sendir til Noregs en þeir ótt­ast að þaðan verði þeir sendir aftur til Íraks, en ríkt hefur stríðs­á­stand í land­inu um ára­bil.