Þýski bankinn Deutsche Bank segir fjárfestum að kaupa hlutabréf í Rio Tinto Group, móðurfélagi álversins í Straumsvík, eftir fjárfestakynningu sem forsvarsmenn Rio Tinto héldu í London í gær. Niðurstaða Deutsche Bank byggir meðal annars á árangri Rio Tinto við að ná niður kostnaði á framleiðslu áls í álverksmiðjum sínum en fyrirtækið er stærsta námafyrirtæki í heimi. Þetta er meðal þess sem fram kemur í skýrslu sem þýski bankinn vann um fjárfestakynninguna og kynnti í morgun en Stundin sagði meðal annars frá fjárfestakynningunni í gær. Greining Deutsche Bank heitir „Árangur álframleiðsluhlutans verður framar væntingum - aftur“.
Í skýrslunni er meðal annars haft eftir Rio Tinto að þeir séu ánægðir með hversu ódýrt það sé fyrir fyrirtækið að framleiða ál og að þetta gefi því forskot á markaði: „Rio Tinto bendir á að það hversu ódýrt það sé fyrir það að framleiða ál gefi fyrirtækinu samkeppnisforskot. Álbransinn er iðnaður þar sem stöðugur þrýstingur er á fyrirtækin um að vera eins nálægt botni kostnaðarkúrvunnar og mögulegt er með því að tileinka sér nýjustu tækni. Lykilatriðið er hins vegar ódýrt rafmagn.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir