Dekurmeðferð Heilsudrekans: „Dekur eða pyntingar?“

Björn Geir Leifsson skurð­læknir gagn­rýnir harð­lega svo­kall­aða dek­ur­með­ferð Heislu­drek­ans á Facebook-síðu sinni. Um er að ræða gua sha með­ferð sem kostar 16.900 krónur hjá Heils­drek­anum. „Ævaforn kín­versk dek­ur­með­ferð sem heitir „gua sha“ sem t.d. eykur flæði í and­lit­inu, end­ur­nýjar húð­ina, minnkar augn­þreytu, yngir upp and­litið, eykur orku og nærð góðri slökun,“ segir á heima­síðu Heilsu­drek­ans. Á kín­versku þýðir „gua“ að skafa meðan „sha“ þýðir mar. „Ekki beint trú­verð­ugt það, ef skoðað er hvað Gua Sha er í raun og veru, jafn­vel eins og það er stundað í dag. Þarna er hug­takið greini­lega notað um ein­hvers konar and­lits­gælur,“ segir Björn Geri um þessa lýs­ingu.

Líkt og blóðsugumeðferð

Björn Geir segir að gua sha sé í ætt við blóð­töku­að­ferðir sem og blóðsugu­með­ferð. „Meg­in­hluti þess­ara lækn­inga­forn­leifa, sem enn eru not­aðar af auð­trúa sálum á rætur sínar að rekja til fornu blóð­töku­að­ferð­anna þar sem stungið var og rist í kropp­inn og blóð tekið í þeirri trú að það gerði ein­hverjum gott. Það sem við þekkjum í dag sem nála­stungur var ekki til fyrr en í upp­hafi síð­ustu aldar um það bil. Þar áður sam­an­stóðu aust­ur­lenskar stungu­lækn­ingar af því sama og á vest­ur­löndum á öldum áður, stungum og skurðum til að hleypa út ímynd­uðum vessum og ólofti,“ skrifar Björn Geir.

Skurð­læknir Björn Geir heldur úti „Vit­leysu­vakt­inni“ þar sem óhefð­bundnar lækn­ingar eru gagn­rýndar.

Ætlaði að hringja á lögregluna

Björn Geir rifjar svo upp atvik sem hann varð vitni að fyrir tveimur ára­tugum í Svíþjóð. „Þetta var að kvöldi á bráða­vakt í Malmö fyrir tveimur ára­tugum þegar komið var inn með illa hald­inn mann með mikla kvið­verki. Það fyrsta sem skurð­lækn­inum datt í hug þegar hann sá mann­inn var að láta ein­hvern hringja á lög­regl­una því mað­ur­inn var mar­inn og blár frá hvirfli til ilja og greini­legt að hann hafði orðið fyrir útbreiddum áverkum. Mar­blett­irnir voru í rákum og flekkjum sem ekki gátu verið af öðru en utan­að­kom­andi áverkum. Hann gat þó útskýrt að þetta hefði til komið vegna þess að fjöl­skyldan reyndi að lækna kvið­verk­ina með því að skrapa fram mar með pen­ingi. Sú töf sem varð á með­höndlun botn­langa­bólg­unnar hefði hæg­lega getað leitt til dauða, svo langt var hann leiddur,“ skrifar Björn Geir.

„Það er orðið að hátísku meðal vest­ur­lenskra vit­leys­inga sem finnst spenn­andi og hressandi að láta þykjustu­lækna féfletta sig.“

Hátíska hjá Vesturlandabúum

Björn Geir bendir á að umrædd með­ferð sé ekki ein­göngu stunduð meðal aust­ur­lenskra inn­flytj­enda á Vest­ur­löndum. „En gua sha og skyldar meið­inga­með­ferðir er ekki bara til sem heim­il­is­kreddur í aust­ur­lenskum inn­flytj­enda­fjöl­skyldum. Það er orðið að hátísku meðal vest­ur­lenskra vit­leys­inga sem finnst spenn­andi og hressandi að láta þykjustu­lækna féfletta sig,“ skrifar Björn Geir.