Sann­kölluð bylt­ing á sér stað í lok­aða stelpu­hópnum Beauty tips á Facebook. Þar hrúg­ast nú inn per­sónu­legar frá­sagnir af kyn­ferð­is­legu ofbeldi undir myllu­merk­inu #þöggun. „Mér var nauðgað af barns­föður mínum með hníf við háls­inn heima hjá mér. Ári seinni kærði ég hann,“ segir einn með­limur hóps­ins. „Mér var nauðgað af maka með vak­andi barnið okkar í fang­inu,“ segir önnur. 

Tildrög þess­arar flóð­bylgju var færsla Guðrúnar Helgu Guð­bjarts­dóttur sem spurði á dög­unum hvort ein­hver hafði „lent í Sveini Andra“. Stundin fjall­aði um þá færslu í fyrra­dag. Guðrún er vin­kona Rebekku Rós­in­berg, tví­tugrar stúlku sem kom fram í við­tali við DV í fyrra og sagði frá því að hún hefði kært Svein Andra Sveins­son lög­mann, fyrir tæl­ingu. Málið var fellt niður. Nú vill hún reyna aftur og safnar reynslu­sögum af lög­mann­inum á Facebook-hópnum Beauty tips til sönn­unar fyrir nýrri kæru gegn Sveini Andra. Stundin ræddi við Rebekku sem sagð­ist him­in­lif­andi yfir við­brögð­unum með­lima Beauty tips. „Það er bara byrjuð bylt­ing á Beauty tips. Það eru allir farnir að berj­ast gegn þöggun undir hashtag­inu #þöggun og deila sögum sínum sem þær hafa lent í. Ég var bara „vá“ þegar ég sá þetta,“ segir Rebekka.

#þöggun Tweets

Rödd okkar versti óvinur ofbeldis

María Rut Krist­ins­dóttir María Rut sagði frá ofbeldi sem hún varð fyrir af hálfu upp­eld­is­föður síns þegar hún var 17 ára. Hún hafði þá þagað í sex ár.

Beauty tips er vett­vangur tæp­lega 25 þús­und kvenna á Íslandi til þess að leita ráða og ræða ýmis­leg mál­efni. Meðal þeirra sem tjáir sig um málið í  dag er María Rut Krist­ins­dóttir, einn skipu­leggj­andi Druslu­göng­unnar og fyrr­ver­andi for­maður Stúd­enta­ráðs Háskóla Íslands. „Stelpur!! Ég sit hérna með tárin í aug­unum yfir öllum sög­unum ykkar. ‪#‎þöggun‬ og ‪#‎kon­ur­tala‬ er