Birgitta: „VG ákvað að taka sleggju og lemja sundur brúna“

Birgitta Jóns­dóttir, tals­kona Pírata, sem leiddi til­raun til mynd­unar fimm flokka rík­is­stjórnar sem rann út í sand­inn á mánu­dag, segir ekk­ert vera í spil­unum eins og staðan er í dag um áfram­hald­andi við­ræður flokk­anna.

„Mér sýn­ist nú, því miður, VG hafa ákveðið að taka sleggju og lemja sundur brúna sem við náðum að byggja á milli fólks.“

Segir hún yfir­lýs­ingar þing­manna Vinstri grænna hafa komið sér veru­lega á óvart og óskilj­an­legt að þessi lína hafi verið tekin í flokknum, ekki sé farið með rétt mál og ósann­gjarnt sé að stilla mál­unum upp eins og þau gera.

„Allir þessir flokkar voru virki­lega að finna leiðir til þess að setja pen­inga í heil­brigð­is­kerfið, mennta­kerfið og inn­viði. En að stilla öllu þannig upp að VG séu þeir einu sem berj­ast fyrir þessum mála­flokkum er alveg fjar­stæðu­kennt. Mér finnst þetta ekki sann­gjarnt gagn­vart öllum hinum sem sátu við þetta borð.“

Sam­komu­lag var á milli þeirra flokka sem þátt tóku í við­ræð­unum að ekki yrði bent á neinn einn flokk sem söku­dólg færu við­ræð­urnar út um þúfur. Því hafi frá­sagnir liðs­manna Vinstri grænna komið sér tals­vert á óvart. „Ég pass­aði mig mjög mikið á því þegar við löbbuðum út úr her­berg­inu að virða það. Ég var búinn að segja það við for­set­ann, og hann var búinn að biðja okkur líka, um að stilla okkur í hóf af því það er mik­il­væg vinna fram undan sem fólk þarf að geta unnið saman að.“ Síðan hafi komið annar tónn frá VG, sem hún seg­ist ekki skilja, og ekki vera í takt við þær góðu við­ræður sem átt hafi sér stað.