Aðalvarðstjóri: „Allar heimildir verði nýttar til að leita á dópistalýð í Laugardalnum“

„Mikið vona ég að allar heim­ildir verði nýttar til að leita á dópista­lýð í Laug­ar­dalnum,“ skrif­aði Guð­mundur Fylk­is­son, aðal­varð­stjóri hjá lög­regl­unni á höf­uð­borg­ar­svæð­inu á Facebook í gær meðan Secret Solstice-hátíðin stóð yfir í Laug­ar­dal. 

Ummæli lög­reglu­þjóns­ins hafa vakið nokkra athygli og er lög­reglan látin svara fyrir þau á Facebook. „Ég hef ekki séð né skoðað ummæli Guð­mundar né sam­hengið sem það stendur í en hann má líkt og aðrir hafa per­sónu­legar skoð­anir og er þá sjálfur ábyrgur fyrir þeim,“ skrifar þar tals­maður lög­regl­unnar.

Stundin náði tali af Guðmundi Fylk­is­syni sem vildi ein­ungis taka það fram að umrædd Facebook-færsla hefði „snú­ist um per­sónu­legan harm­leik“. Hann seg­ist hafa verið staddur inni á slysa­deild með nákomnum ætt­ingja þegar hann skrif­aði færsl­una, „ung­menni sem lét glepjast af gylli­boði ein­hvers sem var með neyslu­skammt­inn sinn í vas­anum, gylli­boði sem var næstum búið að kosta við­kom­andi barn lífið.“