Kristrún svarar fyrir vextina: „Það sagði enginn að þetta yrði auðvelt“

For­sæt­is­ráð­herra segir eftir vaxta­hækkun og verð­bólgu­skot að rík­is­stjórnin hafi „freist­ast til að fagna of snemma“. Hún kallar eftir stuðn­ingi þjóð­ar­innar við að „taka ábyrgð á stöð­unni í sam­ein­ingu“.

Kristrún Frostadóttir
Kristrún Frosta­dóttir Segir að bakslag hafi orðið í efna­hags­málum. Mynd: Golli

Kristrún Frosta­dóttir for­sæt­is­ráð­herra, sem hafði fyrir alþing­is­kosn­ing­arnar 2024 sagt að Sam­fylk­ingin hefði plan og myndi „negla niður vext­ina og verð­bólg­una“, svarar í dag fyrir þá stöðu að stýri­vextir Seðla­banka Íslands voru hækk­aðir í kjöl­far þess að verð­bólgan fór upp í 5,2% og er sú hæsta frá því áður en rík­is­stjórnin tók við.

„Ég við­ur­kenni það að eftir lægstu verð­bólgu­mæl­ingu í 5 ár síð­asta haust og 2% lækkun stýri­vaxta þá vorum við von­góð. Og við freist­uð­umst til að fagna of snemma á þeim tíma­punkti,“ segir Kristrún í færslu á Facebook. Hún við­ur­kennir að „nú hafi orðið bakslag“. „Við tökum ábyrgð á þeirri stöðu og herðum okkur enn frekar,“ segir hún.

Hluti af rök­stuðn­ingi pen­inga­stefnu­nefndar Seðla­banka Íslands fyrir vaxta­hækkun nú er mikil hækkun olíu­verðs, vegna stríðs Ísraels og Banda­ríkj­anna gegn Íran, sem er lík­leg til að valda víð­tækum verð­hækk­unum ef hún varir lengur. Önnur rök­semd var hækkun launa á Íslandi.

Að sögn Kristrúnar eru verð­hækk­anir og þar með verð­bólga á breiðum grunni.

„Allir armar hag­stjórn­ar­innar þurfa nú að standa við sitt og vinna að sama marki. Kjara­samn­ingar eru í gildi sem setja launa­þróun skorður. Rík­is­stjórnin mun gera sitt í fjár­mála­á­ætlun og með fyrstu halla­lausu fjár­lög­unum í að verða ára­tug. Við höldum áfram að taka stórar ákvarð­anir til að laga afkom­una,“ segir hún.

Þá vísar hún til lít­ils hag­vaxtar á síð­ustu árum, sem nær ekki umfram mann­fjölgun.

„Við höfum unnið hörðum höndum að atvinnu­stefnu en síð­ustu ár hefur hér mælst 0% hag­vöxtur á mann. Það er ekki sjálf­bært fyrir sam­fé­lag sem leggur áherslu á mikla vel­ferð og góð laun. Næsta hag­vaxt­ar­skeið verður að byggja á öðrum grunni en áherslur síð­ustu ára. Þessu viljum við breyta og erum að breyta með mótun fyrstu atvinnu­stefnu Íslands sem verður kynnt á næstu vikum.“

Kristrún hvetur fyr­ir­tæki til að „halda aftur af álagn­ingu og leggja sitt af mörkum til að stuðla að efna­hags­legum stöð­ug­leika“.

„Það sagði eng­inn að þetta yrði auð­velt. En við getum gert þetta. Með því að taka ábyrgð á stöð­unni í sam­ein­ingu. Við munum vinda ofan af þessu bakslagi og leggja grunn að betra jafn­vægi til lengri tíma í íslensku efna­hags­lífi,“ segir Kristrún.

Kjósa
6
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár