Meintur árásarmaður var í felum í fjóra daga

Þriðji karl­mað­ur­inn hefur verið færður í gæslu­varð­hald grun­aður um aðild að hnífs­tungu í iðn­að­ar­hverfi

Súðarvogur
Súð­ar­vogur Hnífs­árásin átti sér stað í íbúð við Súðarvog. Þrír karl­menn sitja í gæslu­varð­haldi grun­aðir um aðild að árásinni.

Þriðji mað­ur­inn sem grun­aður er um aðild að sér­stak­lega hættu­legri lík­ams­árás sem átti sér stað í íbúð við Súðarvog þann 26. febr­úar síð­ast­lið­inn hefur verið hand­tek­inn og færður í gæslu­varð­hald. Hann hefur verið á flótta frá rétt­vís­inni í tæpa viku. Fórn­ar­lamb árás­ar­innar er karl­maður á fimm­tugs­aldri en tveir hinna meintu árás­armanna eru á þrí­tugs­aldri. Sá þriðji, sem fór í felur og var nýverið hand­tekin, er jafn­aldri fórn­ar­lambs­ins.

Húsið alræmt fyrir fíkniefnaneyslu

Einn þeirra sem grun­aður er um aðild að mál­inu hefur ítrekað verið dæmdur fyrir að aka undir áhrif amfetamíns. Íbúð­ar­húsið þar sem árásin átti sér stað er alræmt fyrir fíkni­efna­neyslu og er í iðn­að­ar­hverf­inu við end­ur­vinnslu­stöð­ina. Friðrik Smári Björg­vins­son yfir­lög­reglu­þjónn seg­ist í sam­tali við Stundina ekki geta sagt til eða frá hvort árásin teng­ist fíkni­efna­neyslu eða sölu fíkni­efna. Hann stað­festir þó að engin fíkni­efni hafi verið hald­lögð á vett­vangi. Friðrik Smári segir enn fremur að málið sé í rann­sókn og á meðan svo sé geti hann ekki tjáð sig frekar um málið.

Gripinn með blóðugar hendur

Samkvæmt grein­ar­gerð lög­reglu­stjór­ans á höf­uð­borg­ar­svæð­inu var óskað eftir aðstöð lög­regl­unnar aðfar­arnótt síð­ast­lið­ins fimmtu­dags vegna manna sem voru vopn­aðir skot­vopnum. Þegar lög­reglu­menn mættu á svæðið tók íbúi í hús­næð­inu á móti þeim og vís­aði þeim á aðra hæð. Þar mættu lög­reglu­menn einum úr hópi hinna grun­uðu þar sem hann stóð yfir fórn­ar­lambi árás­ar­innar með hníf. Fórn­ar­lambið var mjög blóð­ugt í and­lit og á lík­ama. Meintur ger­andi tjáði lög­reglu að hann hafi ein­ungis komið að fórn­ar­lamb­inu og að árás­ar­menn­irnir hefðu flúið á brott. Það þótti ótrú­verð­ugt þar sem blóð var á höndum manns­ins og fatn­aði.  

Réðust inn með byssur

Við leit í annarri íbúð í hús­næð­inu fannst annar maður, bróðir þess sem hafði þegar verið hand­tek­inn, en hann hafði falið sig á bak við hurð. Tveir íbúar í hús­næð­inu tjáðu lög­reglu að bræð­urnir hefðu ráð­ist inn, ásamt þriðja mann­inum, vopn­aðir skamm­byssum og riffli. Ekki er fylli­lega ljóst hvað menn­irnir ætl­uðu sér, þar sem þeim er gefið að sök að hafa ráð­ist fyrst að konu sem býr í hús­næð­inu og haft í hót­unum við hana, því næst á annan mann og skorið hann í and­liti, og að lokum á karl­mann á fimm­tugs­aldri. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár