„Þeir tóku líka skírnar­gjafir dóttur minnar“

Brotist var inn til Ásu Þor­steins­dóttur um síð­ustu helgi. Hún biðlar til þjóf­anna um að skila eignum sínum.

Ung móðir, sem kom fór út að skemmta sér um síð­ustu helgi, varð fyrir því að brot­ist var inn á heim­ili hennar í Foss­vog­inum í Reykja­vík um nótt­ina og nán­ast öllum verð­mætum stolið. Kærasti hennar var í rjúpna­veiði og fjög­urra mán­aða dóttir í pössun hjá móður hennar í Keflavík.

Ása Þorsteinsdóttir
Ása Þor­steins­dóttir

„Lög­reglan segir að þetta hafi verið planað, mjög lík­lega,“ segir Ása Þor­steins­dóttir. „Þetta hefur ekki verið random, lík­lega voru þeir búnir að fylgj­ast með okkur, sem er nátt­úru­lega ógeðs­legt. Maður fær bara hroll.“

Ása seg­ist aldrei hafa ímyndað sér að verða fyrir inn­broti. „Ég er orð­laus. Maður býr á Íslandi og heldur ein­hvern veg­inn að það ger­ist ekki neitt. Greini­lega getur hvað sem er gerst.“

„Maður býr á Íslandi og heldur ein­hvern veg­inn að það ger­ist ekki neitt.“

Í Reykja­vík var tíðni inn­brota 43 á hverja 10 þús­und íbúa í fyrra.

Aðferð þjóf­anna á heim­ili Ásu við Hörða­land 8 var að brjóta upp lít­inn eld­hús­glugga, sem snýr að bak­garði á jarð­hæð, og smeygja sér þar inn. Þeir rót­uðu í öllum eigum heim­il­is­fólks, köst­uðu því sem þeir tóku ekki frá sér í íbúð­inni og báru það sem þeir vildu út um svala­dyrnar. Á meðan höfðu þeir sett hurð­ar­keðju fyrir dyrnar sem snúa að stiga­gang­inum. Þegar Ása kom heim kom hún að hlekkj­aðri hurð og þurfti að brjóta sér leið inn. Enginn nágranni varð var við neitt. Dóttir Ásu, Ísabella Lilja, var skírð 13. sept­em­ber og tóku þjóf­arnir skírn­ar­gjafir hennar með sér.

„Það var allt tekið sem var með ein­hver verð­mæti. Tölvan, heima­bíóið, leikir, skart­gripir, úr, iPadar, sími, háskóla­bæk­urnar mínar og rán­dýr föt. Þeir tóku líka skírnar­gjafir dóttur minnar; skart­gripi, janus-ull­ar­föt, cintamani-föt og 66 gráður norður föt.“ 

Ása þarf nú að vinna upp glötuð skóla­verk­efni sem voru í tölv­unni þegar henni var stolið af heim­il­inu. Hún getur illa hugsað sér að vera á heim­ili sínu eftir inn­brotið.

Þjófarnir fóru á brott á bíl Ásu, Hyundai i3Q með núm­erið YRP-22. Þeir sem verða varir við eigur Ásu eru beðnir um að hafa sam­band við lög­reglu.

Ása biðlar til þjóf­anna. „Hafið ein­hverja sam­visku og skilið þessu. Þetta er bara ömur­legt. Maður fær hroll af því að hugsa um þetta, og líka bara að fólk hafi enga sam­visku.“

Hún mun fylgj­ast með vef­síðum þar sem not­aðir hlutir eru til sölu í von um að finna þjóf­ana og eigur sínar.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár