Gagnrýnir Sigríði og hvetur flokksmenn til að lesa skrif sín um lýðræði

Ingi­björg Sólrún tjáir sig um for­manns­kjör

Ingi­björg Sólrún Gísla­dóttir, fyrr­ver­andi for­maður Sam­fylk­ing­ar­innar, seg­ist hugsi yfir stöðu síns gamla flokkss. Henni renni til rifja að sjá for­manns­fram­bjóð­end­urna Sigríði Ingi­björgu Inga­dóttur og Árna Pál Árnason „í aðal­hlut­verkum í þeim darraða­dansi sem fram fór um helg­ina á lands­fundi Sam­fylk­ing­ar­innar“.

Þetta kemur fram á Facebook-síðu Ingi­bjargar Sólrúnar. Þar beinir hún spjótum sínum að Sigríði Ingi­björgu og gagn­rýnir hana fyrir að hafa boðið sig fram með jafn skömmum fyr­ir­vara og raun ber vitni:

„Það er ekk­ert athuga­vert við það að bjóða sig fram gegn sitj­andi for­manni en Sam­fylk­ingin hefur mótað sér ákveðnar reglur um hvernig for­manns­kjör eigi að fara fram og það er mjög mik­il­vægt að þær reglur séu virtar en ekki reynt að nýta glufu í reglu­verk­inu til að steypa sitj­andi for­manni. Formaður verður að hafa skýrt umboð frá flokknum. Árni fékk þetta umboð þegar 3,474 flokks­menn greiddu honum atkvæði sitt í alls­herj­ar­at­kvæða­greiðslu innan flokks­ins í árs­byrjun 2013. Í for­manns­kjör­inu á lands­fund­inum í gær tóku þátt 487 flokks­menn og Árni Páll vann sigur með eins atkvæðis mun. Setjum sem svo að þetta hefði farið á hinn veg­inn og Sigríður Ingi­björg hefði verið kosin for­maður með 241 atkvæði. Í hvaða stöðu hefði það sett hana sem for­mann? Í hvaða stöðu hefði hún verið gagn­vart öllum þeim flokks­mönnum sem kusu Árna Pál í lýð­ræð­is­legri kosn­ingu fyrir rúmum tveimur árum?“

Segir hún fram­boð Sigríðar hafa verið mis­ráðið. Það hefði aldrei getað farið öðru­vísi en illa, skila ann­að­hvort löskuðum for­manni eða for­manni með óljóst umboð. 

„Ýmsir félagar mínir í Sam­fylk­ing­unni hafa fært fram þau rök að form­lega hafi ekki verið neitt rangt við for­manns­fram­boð á síð­ustu stundu. Reglur banni það ekki. Það er í sjálfu sér rétt en mér finnst það mjög miður ef það er orðin við­tekin skoðun í Sam­fylk­ing­unni að lýð­ræðið sé fyrst og fremst form en ekki ferli sem bygg­ist á umræðu. Með því að stytta sér leið með þessum hætti á lands­fundi var verið að hafa þá umræðu af flokks­mönnum, sem þeir eiga lýð­ræð­is­legan rétt á sam­kvæmt reglum flokks­ins.” 

Loks hvetur Ingi­björg Sam­fylk­ing­ar­fólk til að lesa bók sem hefur að geyma greinar og ræður eftir hana sjálfa, heftið „Mín eigin orð“ sem Sam­fylk­ingin gaf út um ára­mótin í til­efni sex­tugs­af­mælis hennar. „Að lokum legg ég til að flokks­menn blaði í heft­inu 'Mín eigin orð' sem kom út 31. des­em­ber s.l. Þar eru nokkrar greinar um lýð­ræði,“ skrifar Ingi­björg.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

3
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár