Björt framtíð útilokar ekki hægri stjórn

Viðreisn lýsir and­stöðu við stjórn með Pírötum. Óttar Proppé, for­maður Bjartrar fram­tíðar, seg­ist ekki vilja úti­loka neitt.

Viðreisnarstjórn með Bjartri framtíð?
Við­reisn­ar­stjórn með Bjartri fram­tíð? Óttar Proppé og Benedikt Jóhann­es­son fylgj­ast með úrslitum kosn­ing­anna í nótt. Mynd: Pressphotos

Óttar Proppé, for­maður Bjartrar fram­tíðar, úti­lokar ekki hægri stjórn með Sjálf­stæð­is­flokki og Viðreisn. Flest önnur rík­is­stjórn­ar­mynstur hafa verið úti­lokuð í umræðum fyrir og eftir kosn­ingar.

Benedikt Jóhann­es­son hefur í raun úti­lokað mögu­leik­ann á fimm flokka stjórn stjórn­ar­and­stöðu­flokk­anna. „Þá værum við að ganga inn í Pírata­banda­lagið. Ég held að það væri á skjön við úrslit kosn­ing­anna,“ sagði Benedikt Jóhann­es­son á Stöð 2 í hádeg­inu.

Benedikt Jóhann­es­son, for­maður Við­reisnar, hefur þá bæði lýst and­stöðu sinni við að mynda rík­is­stjórn með Fram­sókn­ar­flokki og Pírötum, og því stendur eftir að mynda stjórn með VG eða Bjartri fram­tíð, ásamt Sjálf­stæð­is­flokki. Þar sem Katrín Jak­obs­dóttir, for­maður VG, seg­ist ekki vilja rík­is­stjórn­ar­sam­starf við Sjálf­stæð­is­flokk­inn, hafa mögu­leik­arnir þrengst. Björt fram­tíð er hins vegar opin fyrir öllu.

Óttar Proppé, for­maður Bjartrar fram­tíðar, hélt öllu opnu í umræðum for­manna á Stöð 2 í hádeg­inu. „Mál­efna­lega hafa þessir flokkar verið ansi langt í sundur. En það er ekki ástæða til að úti­loka neitt fyr­ir­fram.“

VG vill ekki Sjálfstæðisflokkinn

Katrín Jak­obs­dóttir sagð­ist ekki vilja sam­starf við Sjálf­stæð­is­flokk­inn fyrir kosn­ingar og end­ur­tók það eftir kosn­ingar. Hún sagð­ist helst vilja stjórn minni­hlut­ans á Alþingi: „En það virð­ist ekki í spil­un­um. Við höf­um líka sagt að við telj­um nán­ast enga mál­efna­lega sam­leið með okk­ur og Sjálf­stæð­is­mönn­um og það hef­ur ekk­ert breyst í því. Eins og ég er búin að segja, þetta eru þeir flokk­ar sem standa lengst frá hvor öðrum í ís­lensk­um stjórn­mál­um. Við sjá­um ekki fyr­ir okk­ur slíkt sam­starf.“

Tæp Viðreisnarstjórn með Bjartri framtíð

Hins vegar hægt að mynda tæpa rík­is­stjórn Sjálf­stæð­is­flokks, Við­reisnar og Bjartrar fram­tíðar. Slík rík­is­stjórn væri tæp, með aðeins 32 þing­menn gegn 31 þing­manni stjórn­ar­and­stöðu, með sama meiri­hluta og Nýsköp­un­ar­stjórnin 1944 til 1947 og Við­reisn­ar­stjórnin 1963 til 1971, sem sam­sett var af hægri og vinstri flokki, Sjálf­stæðis- og Aþýðu­flokki. Allir flokk­arnir þrír eru í kringum miðju eða hægra megin við hana í efna­hags­legu til­liti. Helsti ágrein­ing­ur­inn gæti legið í sjáv­ar­út­vegs­málum, þar sem Viðreisn hafði talað fyrir upp­boði á afla­heim­ildum, en Sjálf­stæð­is­flokk­ur­inn staðið harður gegn því. Þá falla stefnur Við­reisnar og Bjartrar fram­tíðar ágæt­lega saman. Í þeirri rík­is­stjórn hefur eng­inn úti­lokað sam­starf við annan, ólíkt flestum öðrum mögu­legum rík­is­stjórn­ar­sam­störfum. 

Hér er fjallað nánar um mögu­leg rík­is­stjórn­ar­mynstur.  

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Kosningar 2016

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár