Héraðsdómur Reykjaness úrskurðaði í dag í máli fjölskyldu- og velferðarnefndar Sandgerðisbæjar, Garðs og Voga gegn ungum manni, en farið var fram á nálgunarbann á hann gagnvart barnsmóður hans. Fyrir er á honum nálgunarbann gagnvart móður barnsmóður hans. DV fjallaði á dögunum mikið um árás hans á Þórólf Árnason, forstjóra Samgöngustofu, í Ármúlanum. Maðurinn hefur fengið dóm fyrir líkamsárás og hótanir.
Í dómsúrskurði er vísað til atviks sem er sagt að hafi átt sér stað þann 14. apríl síðastliðinn. Er sagt að þá hafi hann gengið berserksgang á heimili barnsmóður sinnar og veist í kjölfarið að móður hennar. Barnsmóðir hans bar þá barn hans undir belti og var settur fæðingardagur þennan sama dag. Hún fæddi barnið síðastliðinn föstudag en í málsgögnum kemur fram að þá hafi þurft að fjarlægja manninn af Landsspítalanum að ósk starfsfólks.
Fjölskyldu- og velferðarnefnd telur að börn konunnar séu í háska vegna framgöngu mannsins og telur að hún hafi búið við langvarandi heimilisofbeldi. Konan segir sjálf að maðurinn hafi ekki lagt á hana hendur en hann hafi verið ógnandi og hún hafi verið hrædd, svo mjög að á hún hafi flúið heimilið eftir árás á móður hennar.
Þrátt fyrir að það sé mat nefndarinnar að líkur séu á því að maðurinn muni beita barnsmóður sína ofbeldi þá mat dómarinn, Jón Höskuldsson, það sem svo að nálgunarbann væri ekki nauðsynlegt.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.


















































Athugasemdir