Ísland sat hjá vegna þess að ekki var fjallað um „ábyrgð allra aðila“ á ástandinu í Palestínu: „Vantaði mikið upp á jafnvægi“

„Afstaða Íslands varð­andi þessa ályktun var hjá­seta, enda vant­aði mikið upp á jafn­vægi í text­anum, einkum er lýtur að ábyrgð Hamas-hryðju­verka­sam­tak­anna,“ segir í svari Guðlaugs Þórs Þórð­ar­sonar utan­rík­is­ráð­herra við fyr­ir­spurn Rósu Bjarkar Brynj­ólfs­dóttur.

Ísland sat hjá í atkvæða­greiðslu um stríðs­glæpi gegn Palest­ínu­mönnum vegna þess að íslensk stjórn­völd töldu að það „vant­aði mikið upp á jafn­vægi“ í álykt­un­ar­texta og að ekki væri vikið að „ábyrgð allra aðila“ á ástand­inu fyrir botni Mið­jarð­ar­hafs.

Þetta kemur fram í svari Guðlaugs Þórs Þórð­ar­sonar utan­rík­is­ráð­herra við fyr­ir­spurn Rósa Bjarkar Brynj­ólfs­dóttur, þing­konu Vinstri grænna, um málið. 

Stundin fjall­aði um hjá­setu Íslands í vor, en í umræddri ályktun var kallað eftir því að alþjóð­legum mann­úðar- og mann­rétt­inda­lögum yrði fylgt á hernumdu svæð­unum í Palest­ínu og réttað yfir þeim sem brjóta þau. Þá voru hern­að­ar­að­gerðir gegn óbreyttum borg­urum, svo sem börnum, heil­brigð­is­starfs­mönnum og fötl­uðum, for­dæmdar sem og hvers kyns hót­anir og þving­anir gagn­vart mann­rétt­inda- og hjálp­ar­sam­tökum. Danmörk, Ítalía og Bretland sátu hjá ásamt Íslandi en Spánn greiddi atkvæði með til­lög­unni sem var sam­þykkt með 23 atkvæðum gegn átta þann 15. mars 2019.

„Afstaða Íslands varð­andi þessa ályktun var hjá­seta, enda vant­aði mikið upp á jafn­vægi í text­anum, einkum er lýtur að ábyrgð Hamas-hryðju­verka­sam­tak­anna, en þau eru raunar ekki nefnd á nafn í álykt­un­inni,“ segir í svari ráð­herra. „Þessi afstaða Íslands var áréttuð í sér­stakri atkvæða­skýr­ingu og jafn­framt áréttað að Ísland for­dæmdi allt ofbeldi, hvaðan sem það á upp­tök sín.“

Í atkvæða­skýr­ingu lýsti full­trúi Íslands  áhyggjum af nið­ur­stöðum skýrslu sér­stakrar rann­sókn­ar­nefndar vegna aðgerða Ísra­els­hers vorið 2018 þegar tugir Palest­ínu­manna féllu í aðgerðum hers­ins á landa­mær­unum að Gaza í kjöl­far mót­mæla­að­gerða þar. Enn fremur lagði hann áherslu á að ísra­elsk stjórn­völd yrðu, þegar örygg­is­sveitir Ísraela bregð­ast við mót­mælum eins og þeim sem urðu á Gaza í maí 2018, að virða þá meg­in­reglu að mót­að­gerðir séu í sam­ræmi við til­efnið, sem og að beita ekki ban­vænu afli í aðgerðum sem bein­ast gegn óbreyttum borg­urum.

„Hins vegar var því jafn­framt lýst yfir í atkvæða­skýr­ing­unni að íslensk stjórn­völd hefðu viljað að umrædd ályktun léti sig varða ábyrgð allra aðila,“ segir í svari ráð­herra. „Hvergi í álykt­un­inni væri vikið að ábyrgð Hamas-hryðju­verka­sam­tak­anna sem hvöttu til ofbeldis af hálfu palest­ínskra þátt­tak­enda í mót­mæl­unum. Þá sagði einnig í atkvæða­skýr­ing­unni, sem full­trúi Íslands flutti, að álykt­unin tæki ekki til­lit til þess að í skýrsl­unni, sem áður var vikið að, kemst rann­sókn­ar­nefnd Sam­ein­uðu þjóð­anna að þeirri nið­ur­stöðu að Hamas, sem fer með stjórn á Gaza, gerði ekk­ert til að koma í veg fyrir slík til­felli.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár