365 miðlar, félag Ingi­bjargar Pálma­dóttur sem á helm­ings­hlut í útgáfu­fé­lagi Frétta­blaðs­ins og áður rak Stöð 2 auk fjölda ann­arra fjöl­miðla, tap­aði 1.027 millj­ónum króna árið 2018. Þetta kemur fram í Frétta­blað­inu í dag.

Ingi­björg er for­stjóri og stærsti eig­andi 365 miðla. Félagið á helm­ings­hlut í Torgi, útgáfu­fé­lagi Frétta­blaðs­ins, en Helgi Magn­ús­son fjár­festir keypti 50 pró­senta hlut í byrjun júní.

365 miðlar seldu allar eignir sínar til Fjar­skipta árið 2017, en það félag heitir nú Sýn. Varð 365 þar með næst stærsti eig­andi Fjar­skipta, en hélt eftir Frétta­blað­inu og tíma­rit­inu Glamour. Síðasta haust seldu svo 365 miðlar allt hlutafé sitt í Sýn og keyptu í stað þess um 3 pró­senta hlut í Högum, sem reka meðal ann­ars Bónus, Hagkaup og Olís. Sam­keppn­is­eft­ir­litið hafði sett 365 miðlum þær kvaðir að selja annað hvort hlut sinn í Sýn eða Torgi.

Und­an­farin ár stóðu 365 miðlar í deilum við íslenska ríkið vegna end­ur­skoð­unar á álagn­ingu opin­berra gjalda. Féll dómur í Hæsta­rétti síð­asta haust þar sem ríkið var sýknað af kröfu 365 og voru þar hund­ruð millj­óna í húfi fyrir félagið.

Að því er fram kemur í frétt Frétta­blaðs­ins skýrist tap 365 miðla að stærstum hluta af  „ein­skipt­is­leiðum sem tengj­ast aflagðri starf­semi félags­ins í kjöl­far sölu á ljós­vaka-, fjöl­miðlaog fjar­skipta­rekstri, eða 591 milljón króna. Þá nam álagður og reikn­aður tekju­skattur vegna fyrri ára 537 millj­ónum króna og gang­virð­is­leið­rétt­ingar af hluta­bréfum 294 millj­ónum króna. Samtals höfðu fram­an­greindir liðir því nei­kvæð áhrif á afkomu síð­asta árs að fjár­hæð 885 millj­ónir króna.“

Eigið fé nam 1.409 millj­ónum króna í árs­lok 2018 og var eig­in­fjár­hlut­fall félags­ins 41 pró­sent. Ákveðið hefur verið að auka hlutafé um 1,2 millj­arða króna í ár, sam­kvæmt frétt­inni.

 „Afkoma árs­ins 2018, sjóð­streymi og breyt­ingar á efna­hags­reikn­ingi lit­ast mjög af eft­ir­fylgni sölu á rekstri 365 í árs­lok 2017 ásamt áhrifum af því að ágrein­ings­mál við skatta­yf­ir­völd hafa verið til lykta leidd,“ er haft eftir Ingi­björgu Pálma­dóttur. „Eftir þetta til­tekt­arár hjá félag­inu og hluta­fjár­aukn­ingu hefur eigna­safn og fjár­hagur 365 styrkst til muna og mun félagið halda áfram að nýta þau tæki­færi sem gef­ast og vera virkur þátt­tak­andi í fjár­fest­ing­ar­verk­efnum.“