Greiðslur vegna líf­eyris inn á erlenda reikn­inga hafa hækkað um nær helm­ing á síð­asta ári. Líf­eyr­is­greiðslur til ein­stak­linga búsettra erlendis eru alls um 3,5 millj­arðar króna á ári. Morg­un­blaðið greinir frá.

Vinnsla og eft­ir­fylgni mála hjá Trygg­inga­stofnun er orðin flókn­ari vegna þessa, að sögn Sigríðar Lilly Bald­urs­dóttur, for­stjóra Trygg­inga­stofn­unar, í ávarpi hennar í árs­skýrslu. „Trygg­inga­stofnun er ekki ein­vörð­ungu stofnun allra lands­manna í merk­ing­unni: þeirra sem hér á landi búa,“ skrifar hún. „Marg­vís­leg rétt­indi fara landa á milli. Með flutn­ingi íslenskra rík­is­borg­ara og ann­arra sem eiga lög­heim­ili hér á landi um stund eða til lengri tíma verða til rétt­indi sem flytj­ast og stofn­ast í öðrum löndum, jafn­vel löngu eftir að dvöl á Íslandi lýkur.“

Félags­leg rétt­indi eins og upp­bætur, bif­reiða­kostn­aður, maka- og umönn­un­ar­bætur og end­ur­hæf­ing­ar­líf­eyrir falla niður þegar flutt er frá Íslandi, en mis­mun­andi reglur eru í gildi erlendis um slík rétt­indi. Eftir sex mán­aða búsetu erlendis er líf­eyr­is­þega skylt að flytja lög­heim­ili sitt til búsetu­lands­ins.