Vigdís Hauksdóttir setti fram þrjár rangfærslur í örstuttu viðtali

Vigdís Hauks­dóttir, borg­ar­full­trúi Mið­flokks­ins og lög­fræð­ingur, setur fram þrjár rangar full­yrð­ingar í stuttu við­tali sem birt­ist á Mbl.is í dag. Meira en helm­ingur alls þess sem haft er eftir henni innan gæsalappa er ósatt eða á mis­skiln­ingi byggt.

Viðtalið fjallar um áform Vigdísar um að kæra úrskurð sýslu­manns um mál er varðar lög­mæti borg­ar­stjórn­ar­kosn­ing­anna 2018 til dóms­mála­ráðu­neyt­is­ins.

Í fyrsta lagi full­yrðir Vigdís að ESA, Eft­ir­lits­stofnun EFTA, ann­ist kosn­inga­eft­ir­lit. „Ef ég vísa þessu til ESA sem rek­ur kosn­inga­eft­ir­lit þá taka þau málið ekki fyr­ir fyrr en kæru­leiðir eru tæmd­ar í heima­land­inu,“ seg­ir hún. ESA rekur ekki kosn­inga­eft­ir­lit en hugs­an­legt er að hér hafi Vigdís átt við Öryggis- og sam­vinnu­stofnun Evrópu, ÖSE.

Í öðru lagi segir Vigdís að eft­ir­lits­stofnun á vegum hins opin­bera hafi kom­ist að þeirri nið­ur­stöðu að Reykja­vík­ur­borg hafi framið „kosn­inga­svindl“. Orðrétt segir hún: „Þetta er ekki mín per­sónu­lega skoðun að þetta sé kosn­inga­s­vindl held­ur er þetta eft­ir­lits­stofn­un rík­is­ins sem kemst að því að kosn­inga­s­vindl átti sér stað og fjall­ar um það í úr­sk­urði sín­um.“ 

Af sam­heng­inu má ráða að þarna vísi Vigdís til ákvörð­unar Per­sónu­verndar frá 7. febr­úar síð­ast­liðnum þar sem fjallað var um notkun Reykja­vík­ur­borgar og rann­sak­enda við Háskóla Íslands á per­sónu­upp­lýs­ingum frá Þjóðskrá Íslands fyrir sveit­ar­stjórn­ar­kosn­ing­arnar í maí 2018.

Nið­ur­staða Per­sónu­verndar var sú að Reykja­vík­ur­borg og rann­sak­endur við Háskóla Íslands hefðu ekki gætt að ákvæðum per­sónu­vernd­ar­laga, meðal ann­ars um gagn­sæi og fyr­ir­sjá­an­leika, og því brostið heim­ild til vinnslu per­sónu­upp­lýs­inga. Þá voru Reykja­vík­ur­borg veittar átölur fyrir að hafa veitt Per­sónu­vernd ófull­nægj­andi upp­lýs­ingar við með­ferð máls­ins. Í nið­ur­stöðu Per­sónu­verndar er því hins vegar hvergi haldið fram að kosn­inga­svindl hafi átt sér stað. 

Í þriðja lagi full­yrðir Vigdís: „Í sveit­ar­stjórn­ar­kosn­ing­um er það sá meiri­hluti sem sit­ur sem sér um fram­kvæmd kosn­ing­anna.“ Þetta er rangt. Meiri­hluti sveit­ar­stjórnar fer ekki með fram­kvæmd kosn­inga heldur yfir­kjör­stjórn sem lýtur engu boð­valdi sveit­ar­stjórnar. Í 5. mgr. 14. gr. laga um kosn­ingar til sveit­ar­stjórna segir orð­rétt:  „Kjör­stjórnir eru í störfum sínum óháðar ákvörð­un­ar­valdi sveit­ar­stjórnar.“