Gamanleikarinn og leikstjórinn Volodymyr Zelensky hlaut flest atkvæði í nýafstöðnum forsetakosningum í Úkraínu og þykir líklegur til að bera sigur úr býtum í seinni umferð kosninganna síðar í þessum mánuði. Hann er þó síður en svo fyrstur til að feta óhefðbundnar brautir frá gríni og gamanmálum í stjórnmálin.
Það þótti aðhlátursefni árið 1964 þegar Repúblikanaflokkurinn tilnefndi George Murphy, léttlyndan leikara úr dans- og söngvamyndum í Hollywood, til að taka sæti í öldungadeild Bandaríkjaþings. Þótti mörgum lágt lagst til að næla í atkvæði út á þekkt nafn og spáðu því að almenningur myndi hafna því að breyta virðulegum þingsölum í leiksýningu með þessum hætti.
Murphy náði þó kjöri og einn fremsti grínisti þess tíma, Harvard-prófessorinn og píanósnillingurinn Tom Lehrer, gerði sér mat úr öllu saman í gamansömu lagi sem hann flutti í vikulegum sjónvarpsþætti um málefni líðandi stundar. Lehrer dró Murphy sundur og saman í háði og sagði meðal …
Athugasemdir