Alls 22.587 manns bjuggu í dreif­býli eða smærri byggða­kjörnum í byrjun árs. Það eru um 6% lands­manna, sem voru alls 356.991 tals­ins.

Þetta kemur fram í nýrri töl­fræði sem Hag­stofan hefur birt. Í henni kemur fram að lands­mönnum hafi fjölgað um 2,4% á síð­asta ári. Mest varð fólks­fjölg­unin á Suð­ur­nesjum, 5,2%, en á höf­uð­borg­ar­svæð­inu fjölg­aði um 5.747 manns, eða 2,6%. Lít­ils­verð fækkun varð á Norð­ur­landi eystra, eða um 0,03%.

Þá kemur fram að karl­mönnum hafi fjölgað hlut­falls­lega meira en konum. Karl­mönnum fjölg­aði um 2,9%, en konum um 1,9%.

Í töl­fræð­inni kemur fram að 330 þús­und manns búi í þétt­býli. Í sjö sveit­ar­fé­lögum búa færri en 100 manns, en í 40 sveit­ar­fé­lögum færri en 1.000. Einungis tíu sveit­ar­fé­lög höfðu yfir 5.000 íbúa.