Páll Óskar Hjálmtýs­son tón­list­ar­maður segir að gyð­ingar séu „búnir að sauma sig inn í Evrópu á mjög lúmskan hátt á mjög löngum tíma“. Þess vegna þegi Evr­ópu­menn þunnu hljóði um grimmd­ar­verk ísra­el­skra stjórn­valda gegn Palest­ínu­mönnum. 

Þetta kom fram í við­tali við hann í Lestinni á Rás 1 í gær en Páll Óskar hefur hvatt til þess að Eurovision-keppnin verði snið­gengin í ljósi þess að hún fer fram í Ísrael, ríki sem hefur haldið millj­ónum Palest­ínu­manna í helj­ar­g­reipum um ára­tuga­skeið með ólög­legu her­námi, land­töku og mann­rétt­inda­brotum.

Í umræðu um fram­göngu Ísra­els­ríkis gegn Palest­ínu­mönnum dró Páll Óskar víð­tækar álykt­anir um gyð­inga. „Tra­gedían er sú að gyð­ingar lærðu ekki neitt af Hel­för­inni. Í stað­inn umbreytt­ust þeir í nákvæma afsteypu af sínum ógeðs­leg­asta óvini,“ sagði hann. 

Vart þarf að taka fram að orð­ræðan um gyð­inga sem fram­andi afl sem smjúgi smám saman inn í evr­ópsk sam­fé­lög og beiti áhrifum sínum með skað­legum hætti á sér djúpar rætur og hefur haft afger­andi áhrif á heims­sög­una. 

Samkvæmt skýrslu sem Mann­rétt­inda­stofnun Evr­ópu­sam­bands­ins gaf út í fyrra hafa for­dómar gegn gyð­ingum færst í vöxt á und­an­förnum árum. Æ fleiri gyð­ingar upp­lifa sig ber­skjald­aða fyrir hat­urs­orð­ræðu og aðkasti. 90 pró­sent þeirra gyð­inga sem stofn­unin ræddi við telja gyð­inga­hatur fara vax­andi í heima­landi sínu og hátt í 30 pró­sent sögð­ust hafa sætt aðkasti.