MeToo ráð­stefnu stjórn­mála­flokka á Alþingi hefur verið frestað. Ráð­stefnan átti að fara fram á þing­setn­ing­ar­degi 21. jan­úar. Frétta­blaðið greinir frá.

Fram­kvæmda­stjórar flokk­anna á þingi hafa skipu­lagt ráð­stefn­una að und­an­förnu, en nú er ljóst að henni verður frestað um nokkrar vikur. Tveir þing­menn Mið­flokks­ins, Gunnar Bragi Sveins­son og Bergþór Ólason, viku af þingi fyrir jól vegna Klaust­urs­máls­ins. Þá vék Ágúst Ólafur Ágústs­son, þing­maður Sam­fylk­ing­ar­innar, einnig af þingi vegna ósæmi­legrar fram­komu.

„Fram­kvæmda­stjórar ákváðu að verða við ósk sem fram kom eftir að ljóst varð að ekki var sam­staða allra flokka um að halda ráð­stefn­una 21. jan­úar eins og áætlað hafði verið,“ segir Björg Eva Erlends­dóttir, fram­kvæmda­stjóri VG.

„Rök fram­kvæmda­stjóra fyrir frestun eru þau að Metoo-ráð­stefna á þing­setn­ing­ar­degi gæti beint athygl­inni að óút­kljáðum málum ein­stak­linga í tveimur flokkum á Alþingi, frekar en því stóra sam­fé­lags­lega vanda­máli sem við erum að glíma við. Ráð­stefnan er áfram á dag­skrá en henni er aðeins frestað um nokkrar vikur,“ segir Björg Eva.