Miðflokksmenn áfrýja: Segja Báru hafa þaulskipulagt verknaðinn og gengið „fumlaust til verka“

Þingmenn Mið­flokks­ins hafa kært úrskurð Hér­aðs­dóms Reykja­víkur, þar sem hafnað var beiðni sókn­ar­að­ila um að fram færu vitna­leiðslur og öflun sýni­legra sönn­un­ar­gagna um atburð­ina á Klaustri, til Lands­réttar.

Gera þing­menn­irnir, þau Anna Kolbrún Árna­dóttir, Bergþór Ólason, Gunnar Bragi Sveins­son og Sig­mundur Davíð Gunn­laugs­son, þá kröfu að úrskurður hér­aðs­dóms verði felldur úr gildi, enda telja þau að for­sendur dóms­ins fái ekki stað­ist. 

Stundin hefur kæruna undir höndum en hún var send 19. des­em­ber síð­ast­lið­inn. Þar kemur fram að þing­menn­irnir hafi þegar óskað eftir myndefni úr eft­ir­mynda­vélum frá Klaustri og Alþingi, enda telji þeir mik­il­vægt að upp­lýsa um máls­at­vik þann 20. nóv­em­ber á Klaustri bar. 

Grunsamleg mynd

Lögmaður Mið­flokks­manna, Reimar Pét­urs­son, vekur athygli á því að Bára hafi greint frá því í fjöl­miðlum hvernig hún „sperrti eyrun“ og „þótt­ist“ vera að lesa ferða­manna­bæk­linga sem hún hafði með­ferðis þegar hún hljóð­rit­aði sam­skipti þing­mann­anna. Þá vísar Reimar sér­stak­lega til myndar sem birt­ist í Stund­inni og var tekin fyrir utan Klaustur „áður en varn­ar­að­ili hóf aðgerðir sínar nema, ef vera skyldi, að ein­hver annar hafi tekið hana“.

Af þessu dregur hann ályktun um ein­beittan ásetn­ing Báru: „Allt þetta gefur til kynna að þegar varn­ar­að­ili kom á Klaustur hafi hún komið þangað með það fyr­ir­fram­gefna mark­mið að njósna um og taka upp sam­töl sókn­ar­að­ila. Hún hafi gengið fum­laust til verka. Hún hafi haft með­ferðis bæk­linga sem hún not­aði sem yfir­varp og búnað sem hent­aði til verks­ins. Þá hafi hún dvalið á staðnum svo lengi sem í fjórar klukku­stundir. Hafi hún þó sagst hafa verið á leið­inni á æfingu á leik­sýn­ingu sem ætl­unin var að frum­sýna tveimur dögum síðar, án þess að þetta hafi neitt tálmað þaul­setu hennar yfir upp­tök­unum.“