Þessi grein birtist upphaflega í Stundinni fyrir meira en 6 árum.

Huldufólkið: Þúsundir búa í iðnaðarhverfum, þar af 860 börn

Á bilinu fimm til sjö þúsund einstaklingar búa í iðnaðarhverfum höfuðborgarsvæðisins, þar af 860 börn. Eftir því sem neyðarástand á leigumarkaði harðnar leita sífellt fleiri skjóls í atvinnu- og iðnaðarhúsnæði. Íbúar þora ekki að stíga fram af ótta við að missa það litla sem þeir þó hafa. Þeir lýsa vonleysi og depurð yfir því að hafa endað í þessari stöðu.

5. janúar 2019 08:00

Jón Bjarki Magnússon

ritstjorn@heimildin.is

Það er kuldalegt um að litast í ónefndu iðnaðarhverfi á höfuðborgarsvæðinu. Ljósastaurar lýsa upp einmanalegar götur á meðan regnið lemur á bílhræjum sem hvíla handan bjarmans. Hér virðist enginn á ferli nema vindurinn sem rymur á leið sinni milli bílasala, blikksmiðja og verkstæða. Ljóstírur og bláblikkandi sjónvarpsljós á bak við gardínur efri hæðanna gefa til kynna að hér búi fólk. Ungt par birtist skyndilega á milli tveggja lagerbygginga. Þau eru með barnavagn á milli sín. „Veistu hvað gerist ef ég tala við þig?“ spyr faðirinn þegar blaðamaður leitast eftir viðtali. „Þeir henda mér út.“

Mikil eftirspurn eftir íbúðarhúsnæði á höfuðborgarsvæðinu og síhækkandi leiguverð hefur orðið til þess að sífellt fleiri hafa fundið sig knúna til þess að leita skjóls frá veðri og vindum í iðnaðarhverfum borgarinnar. Slökkvilið höfuðborgarsvæðisins áætlar að á …

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Húsnæðismál

FréttirHúsnæðismál

Þrengra um leigjendur en húseigendur

Í nýrri mánaðarskýrslu Húsnæðis- og mannvirkjastofnunar kemur fram að hátt hlutfall leigjenda telji húsnæði sitt vera of lítið. Algengara er að leigjendur búi ekki á þeim stað sem þeir myndu helst kjósa en meðal þeirra sem búa í eigin húsnæði.

FréttirHúsnæðismál

Þau sem hafa hagnast ævintýralega á Þorpinu

Árið 2021 keypti hópur fjárfesta í gegnum eignarhaldsfélagið Þorpið 6 ehf. lóðir og byggingarréttindi á Ártúnshöfða í Reykjavík fyrir 7,4 milljarða króna. Fyrr á þessu ári voru lóðaréttindin seld fyrir ellefu milljarða króna án þess að nokkuð hafi verið byggt á svæðinu. Viðskiptin sýna vel hvernig fjárfestar geta hagnast ævintýralega með því að kaupa og selja lóðir og byggingarréttindi á tiltölulega skömmum tíma.

FréttirHúsnæðismál

Löngu lækkunarskeiði í raunverði íbúða lokið

Húsnæðis- og mannvirkjastofnun kynnti nýverið nýtt fasteignamat fyrir árið 2025. Heildarmat á íbúðum landsins allt hækkaði um 3,2 prósent. Mun þetta vera í fyrsta sinn síðan árið 2010 að verðþróun íbúðarhúsnæðis mælist lægri en verðbólga, sem mælist rúmlega sex prósent. Ýmislegt bendir þó til þess að þessu lækkunarskeiði sé nú lokið og raunverðið muni mælast hærra en verðbólga á næstu misserum.

FréttirHúsnæðismál

Greiddi leigu án þess að fá afnot af íbúðinni

Einstæð móðir frá Úkraínu átti að fá afhenta íbúð í alræmdu fjölbýlishúsi á Bifröst en önnur kona var þegar í íbúðinni. Konan segir að henni hafi þá staðið til boða að taka dýrari íbúð á leigu eða borga sex mánaða leigu. Leigusalinn segir það af og frá.

ViðskiptiHúsnæðismál

Draga upp dökka mynd af stöðu húsnæðismála í landinu

Ný mánaðarskýrsla Húsnæðis- og mannvirkjastofnunar dregur upp dökka mynd af stöðu húsnæðismála hér á land. Framboð á íbúðum hefur minnkað, eftirspurn aukist sem hefur leitt af sér miklar verðhækkanir. Þá hefur uppbygging á í nýju húsnæði dregst saman. Fjölgi áformuðum framkvæmdum ekki á þessu ári mun framboð nýrra íbúða aðeins mæta þriðjungi af væntri húsnæðisþörf fyrir árið 2026.

FréttirHúsnæðismál

Framboð á íbúðum fyrir meðaltekjufólk snarminnkar

Í nýrri mánaðarskýrslu Húsnæðis- og mannvirkjastofnunar kemur fram að þrátt fyrir aukið heildarframboð á íbúðum í borginni hefur íbúðum sem fólk með meðaltekjur gefst kostur á að kaupa hefur fækkað mikið. Íbúðir með greiðslubyrði undir 250.000 krónum á óverðtryggðu láni hefur fækkað um helming á þessu ári og aðeins að finna um 50 íbúðir til sölu sem falla undir viðmið HMS.