Þessi grein birtist upphaflega í Stundinni fyrir meira en 6 árum.
Stundarskráin

Fögnuður ljóssins, jóladansleikur, og umskiptingar á Suðurskautslandinu

Tón­leik­ar, við­burð­ir og sýn­ing­ar 21. des­em­ber - 10. janú­ar

Fögnuður ljóssins, jóladansleikur, og umskiptingar á Suðurskautslandinu
Ritstjórn
ritstjorn@heimildin.is

Þetta og svo margt fleira er að gerast næstu þrjár vikurnar

Andkristnihátíðin

Hvar? Gaukurinn
Hvenær? 21. desember kl. 18.00
Aðgangseyrir: 2.000 kr.

Á myrkasta degi ársins sameinast átta hljómsveitir úr svartmetalsenunni til að fagna komandi ljósi. Þessi hátíð heiðingjanna hefur legið í dvala síðastliðin tvö ár en snýr aftur með látum og heilli fylkingu af hljómsveitum sem eru leiðandi í senunni. Fram koma Carpe Noctem, Sinmara, Nvll, Almyrkvi, Örmagna, Mannveira, Bömmer og World Narcosis.

Jóladansleikur Bjartra sveiflna

Hvar? Húrra
Hvenær? 21. desember kl. 21.00
Aðgangseyrir: Ókeypis!

Ábreiðusveitin Bjartar sveiflur hefur komið víða við síðasta árið og efna til jóladansleiks þar sem gestir geta boðið vinum og vandamönnum dans. Vinsæl jólalög verða spiluð, margir gestasöngvarar stíga á sviðið og Saga Sig og Erna Bergmann munu krýna drottningu og konung dansleiksins út frá klæðaburði.

Une Misère & Celestine

Hvar? Húrra
Hvenær? 22. desember kl. 21.00
Aðgangseyrir: 2.500 kr.

Orkuboltar landsins geta fagnað því að stærstu harðkjarnasveitir landsins ætla að kveðja árið með dúndrandi tónleikum. Celestine var stofnuð 2006 og er ein af forsprökkum harðkjarnatónlistar Íslands á meðan að Une Misère steig á sviðið tíu árum síðar og hefur verið leiðandi afl í senunni.

Uppistand um hátíðirnar

Hvar? Gaukurinn
Hvenær? 23. desember kl. 21.00
Aðgangseyrir: Ókeypis!

Grínistarnir í Goldengang-hópnum halda saman uppistand á Þorláksmessu. Hópurinn hefur haldið vikulega viðburði á mánudögum á Gauknum allt árið, en sökum jóla færist kvöld þeirra yfir á sunnudaginn. Búast má við alls konar bröndurum og sýningum frá 8–10 mismunandi grínistum.

Jon Hopkins & Kiasmos 

Hvar? Húrra 
Hvenær? 31. desember kl. 00.30
Aðgangseyrir: 3.500 kr.

Hálftíma eftir að nýja árið hefst opnar Húrra hurðir sínar og hleypa að Jon Hopkins og Kiasmos. Jon Hopkins hefur skrifað tilfinningaþrungna raftónlist í nærri tvo áratugi og flutt hana úti um allan heim, en hann tók meðal annars upp smáskífu sína, Asleep Versions, á Íslandi. Með honum spilar rafdúettinn Kiasmos sem samanstendur af Ólafi Arnalds og Janusi Rasmussen.

The Thing 

Hvar? Bíó Paradís
Hvenær? 6. janúar kl. 20.00
Aðgangseyrir: 1.600 kr.

Stórmyndin The Thing er nýárssýning Svartra sunnudaga. Þessi John Carpenter-költmynd gerist á Suðurskautslandinu 1982 þar sem umskiptingageimvera sem var föst í frostjörð þiðnar og reynir að komast til byggða. Áfengissjúkur þyrluflugmaður, leikinn af Kurt Russel, reynir að hindra för þessarar hættulegu geimveru vopnaður eldvörpu og dínamíti.

Ásmundur Sveinsson: List fyrir fólkið

Hvar? Ásmundarsafn
Hvenær? Lokar 6. janúar
Aðgangseyrir: 1.650 kr.

Á sýningunni er sjónum beint að öllum ferli Ásmundar Sveinssonar, allt frá tréskurðarnámi hjá Ríkarði Jónssyni og til síðustu ára listamannsins. Sýnd eru verk unnin í ýmis efni, þar á meðal verk höggvin úr tré, steinsteypu og brons. Á sýningunni eru jafnframt frummyndir þekktra verka sem stækkuð hafa verið og sett upp víða um land.

Ég dey

Hvar? Borgarleikhúsið
Hvenær? Frumsýnt 10. janúar
Aðgangseyrir: frá 6.550 kr.

Ég dey er einleikur eftir Charlotte Bøving sem hún skrifar og flytur þar sem hún skoðar lífið frá sjónarhóli dauðans og dauðann frá sjónarhóli lífsins. Hún var orðin 50 ára þegar hún gerði sér almennilega grein fyrir því að hún myndi deyja, en sýningin er unnin út frá þessari uppgötvun. Þetta er þriðja einkasýning Charlotte.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stundarskráin

Mest lesið

Mest lesið

Mest lesið í vikunni

Fjölskyldurnar sem eiga fiskana í sjónum
1
GreiningSjávarútvegsskýrslan

Fjöl­skyld­urn­ar sem eiga fisk­ana í sjón­um

Inn­an við tíu fjöl­skyld­ur eiga og stýra stærstu sjáv­ar­út­vegs­fyr­ir­tækj­um lands­ins. Þau fyr­ir­tæki sem skráð hafa ver­ið á mark­að eru enn und­ir stjórn, og að uppi­stöðu í eigu, þeirra ein­stak­linga sem fengu gjafa­kvóta. Fjár­fest­ing­ar eig­enda út­gerð­anna í öðr­um og óskyld­um grein­um nema tug­um millj­arða og teygja sig í maj­ónes­fram­leiðslu, skyndi­bitastaði, trampólín­garða og inn­flutn­ing á bleyj­um og síga­rett­um.
„Á ekki möguleika á að fá réttláta málsmeðferð“
3
Fréttir

„Á ekki mögu­leika á að fá rétt­láta máls­með­ferð“

Nauðg­un­ar­kær­an var felld nið­ur, en um­boðs­mað­ur Al­þing­is tek­ur und­ir að­finnsl­ur við rann­sókn lög­reglu, varð­andi at­riði sem hefðu getað skipt máli við sönn­un­ar­mat. Eft­ir at­hug­un á máli Guðnýj­ar S. Bjarna­dótt­ur sendi um­boðs­mað­ur Al­þing­is einnig rík­is­sak­sókn­ara ábend­ingu varð­andi varð­veislu gagna í saka­mál­um og árétt­aði mik­il­vægi þess að ákær­andi hafi öll gögn und­ir hönd­um þeg­ar hann tek­ur af­stöðu.
Komst loks í átröskunarmeðferð þegar veikindin voru orðin alvarleg
5
Viðtal

Komst loks í átrösk­un­ar­með­ferð þeg­ar veik­ind­in voru orð­in al­var­leg

El­ín Ósk Arn­ars­dótt­ir ákvað 17 ára að fara í „sak­laust átak“ til að létt­ast en missti al­gjör­lega tök­in og veikt­ist al­var­lega af átrösk­un. Hún lýs­ir bar­áttu sinni, ekki ein­ung­is við lífs­hættu­leg­an sjúk­dóm held­ur líka brot­ið heil­brigðis­kerfi þar sem fólk fær ekki hjálp fyrr en sjúk­dóm­ur­inn er orð­inn al­var­leg­ur, en dán­ar­tíðni vegna hans er sú hæsta á með­al geð­sjúk­dóma.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
1
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Einhverfir á vinnumarkaði: Starfsmannaskemmtanir bara ólaunuð yfirvinna
5
Úttekt

Ein­hverf­ir á vinnu­mark­aði: Starfs­manna­skemmt­an­ir bara ólaun­uð yf­ir­vinna

Í at­vinnu­aug­lýs­ing­um er gjarn­an kraf­ist mik­illa sam­skipta­hæfi­leika, jafn­vel í störf­um þar sem þess ekki er þörf. Þetta get­ur úti­lok­að fólk, til að mynda ein­hverfa, sem búa yf­ir öðr­um mik­il­væg­um styrk­leik­um. Bjarney L. Bjarna­dótt­ir gerði tíma­mót­a­rann­sókn á þessu og legg­ur áherslu á að at­vinnu­rek­end­ur efli fötl­un­ar­sjálfs­traust.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár

Morgunpósturinn

Morgunpóstur Heimildarinnar berst alla morgna og er fyrir öll þau sem hafa áhuga á fréttum og þjóðfélagsumræðu.

Áskrift hefur áhrif

Almenningur hefur viðhaldið Stundinni og Kjarnanum með áskriftum og styrkjum í áratug. Með því að kaupa áskrift að Heimildinni styrkir þú sjálfstæða rannsóknarblaðamennsku.
Sjá meira
© 2025 Sameinaða útgáfufélagið ehf. Allur réttur áskilinn. Notkun á efni miðilsins er óheimil án samþykkis.