Inga Sæland, for­maður Flokks fólks­ins, veif­aði pen­inga­búnti í ræðu­stól Alþingis og skor­aði á þing­menn að gefa jóla­bónus sinn til góð­gerð­ar­sam­taka.

Inga tók til máls undir liðnum störf þings­ins á Alþingi í dag og benti á að þing­menn hafi fengið 181 þús­und krónur í jóla­bónus. Hún ætli að gefa upp­hæð­ina til fátækra.

„Hvað ætlum við að gefa þjóð­inni okkar í jóla­gjöf?“ spurði Inga. „Það er búið að slengja í lás öllum mögu­leikum til þess að bæta hag okkar minnstu bræðra og systra. Fjár­lögin fyrir árið 2019 hafa verið afgreidd, fjár­auk­inn verður tek­inn út núna á næst­unni. Það er ekki mögu­leiki á að bæta kjör þeirra fyrr en árið 2020. Það er búið að slengja öllu í lás.“

Inga sagði konu hafa haft sam­band við sig í morgun, sem vinni hjá góð­gerð­ar­sam­tökum. „Það voru 120 ein­stak­lingar sem komu til hennar í gær og þáðu gjafa­kort, Bónus-kort. Hún sagði að það væri sár­ara en tárum taki að horfa á upp á hvað í raun­inni eymdin hefur vaxið ótrú­lega mikið á árinu 2018,“ sagði Inga.

Loks benti hún á þá upp­hæð sem þing­menn hafi fengið í jóla­bónus, 181 þús­und krónur. „Ég veit hvað ég ætla að gefa í jóla­gjöf. Ég skal sýna ykkur það, hátt­virtur for­seti. Ég tók út jóla­bón­us­inn minn og ég skora á alla hér að gera slíkt hið sama. Því við höfum efni á því að kaupa gjafa­kort fyrir fátækt fólk og rétta það til góð­gerð­ar­sam­taka og ganga á undan með góðu for­dæmi. Gleðileg jól.“