Ágúst Ólafur Ágústs­son, þing­maður Sam­fylk­ing­ar­innar, seg­ist ekki hafa ætlað að rengja frá­sögn Báru Huldar Beck eða draga úr sínum hlut varð­andi áreitni í hennar garð. Misræmi í frá­sögnum þeirra megi rekja til ólíkrar upp­lif­unar.

Bára Huld birti fyrr í dag svar við yfir­lýs­ingu Ágústs frá því fyrir helgi, þar sem Ágúst hafði greint frá því að hann hefði verið áminntur af trún­að­ar­nefnd Sam­fylk­ing­ar­innar fyrir að hafa hegðað sér ósæmi­lega við Báru, sem hann nafn­greindi ekki þá.

„Misræmið sem hún rekur í svari sínu byggir á ólíkri upp­lifun“

Í svari Báru í dag kemur fram að Ágúst hafi að hennar mati dregið veru­lega úr atburðum. Þannig hafi Ágúst ítrekað reynt að kyssa hana, en ekki tví­vegis eins og hann hafi lýst, og það þrátt fyrir hún hafi alltaf neitað honum og sett skýr mörk. Þá hafi hann nið­ur­lægt hana með orðum um útlit hennar og gáfna­far. Bára segir hafi upp­lifað þving­andi áreitni, varn­ar­leysi og nið­ur­læg­ingu af hendi Ágústs.

Ágúst segir í nýj­ustu yfir­lýs­ingu sinni að ætlun hans hafi aldrei verið að rengja frá­sögn Báru eða draga úr sínum hlut. „Misræmið sem hún rekur í svari sínu byggir á ólíkri upp­lifun. Ég lagði mikla áherslu á í okkar sam­tölum og í fram­burði mínum hjá trún­að­ar­nefnd­inni að gang­ast við minni hegðun. Hennar upp­lifun er auð­vitað aðal­at­riðið í þessu máli.

Ég er í dag að leita mér fag­legrar aðstoðar vegna hegð­unar minnar og róta hennar. Ég bið Báru Huld enn og aftur inni­legrar afsök­unar á fram­komu minni og þeirri van­líðan sem ég hef valdið henni.“