F

rétta­vefur BBC fjallar um Klaust­urs­málið í dag og greinir frá því hvernig íslenskir þing­menn köll­uðu konur tíkur, töl­uðu niður til þeirra með kyn­ferð­is­legum vís­unum og hædd­ust að þekktri bar­áttu­konu fyrir rétt­indum fatl­aðra.

Áður hafa norskir og sænskir miðlar fjallað um málið sem þykir hið sér­kenni­leg­asta. 

„Sagt er að á upp­tök­unni megi heyra einn úr hópnum hæð­ast að fötlun Freyju Har­alds­dóttur með því að herma eftir sel,“ segir í frétt BBC, en frétta­veitan tekur fram að Sig­mundur Davíð Gunn­laugs­son segi hljóðið koma frá stól sem sé verið að færa, ekki frá manni. 

BBC rifjar upp að Sig­mundur Davíð hafi kom­ist í hann krapp­ann og þurft að segja af sér eftir að fluttar voru fréttir upp úr Panama­skjöl­unum í apríl 2016. 

Haft er eftir Bryndísi Snæ­björns­dóttur, for­svars­konu Þroska­hjálpar, að sam­starfs­menn hennar og fatl­aðir Íslend­ingar séu í áfalli eftir frétta­flutn­ing und­an­far­inna daga. „Allir þing­menn­irnir sem þarna sátu ættu að segja af sér þing­mennsku,“ segir hún. 

Hún bendir á að örorku­bætur á Íslandi séu lægri en atvinnu­leys­is­bætur. „Nú veltum við því fyrir okkur hvort það sé vegna við­horfa þing­manna. Við treystum ekki þessu fólki. Þetta er ófyr­ir­gef­an­legt.“