Guðni Th. Jóhann­es­son, for­seti Íslands, seg­ist von­ast til þess að þau þing­manna sem sýndu af sér virð­ing­ar­leysi, sjálfs­upp­hafn­ingu og ógeð­fellt orð­færi, finni hjá sjálfum sér hvað þau hafa gert og bregð­ist við því. Hann telur und­ir­liggj­andi vanda hafa komið fram í hegðun þeirra.

Guðni ræddi meðal ann­ars mál sex þing­manna, sem not­uðu orð eins og „hel­vítis tík“, „kunta“ og fleira í umræðum um stjórn­mála­konur, í við­tali í Silfrinu sem sýnt var fyrir skemmstu. 

„Auðvitað ofbauð mér eins og öllu fólki sem á þetta hlust­aði. Orðfærið, virð­ing­ar­leysið, sjálfs­upp­hafn­ingin. Þetta er ekki leiðin til þess að auka traust manna á Alþingi, að við­hafa svona orð­færi sem er til merkis um ein­hvern und­ir­liggj­andi vanda. Manni ofbauð. Það er ekk­ert flókn­ara en það.“

Spurður hvernig hægt væri að end­ur­reisa traust á stjórn­málum sagði Guðni: „Ekki búum við í þannig sam­fé­lagi að sá eða sú sem þessu emb­ætti gegnir, segi þing­mönnum fyrir verkum, ráði þá eða reki. Allt það er í valdi kjós­enda. Og svo er sam­viskan það vald sem frjálsir menn hlíða. Þetta er eitt af okkar eilífð­ar­verk­efnum. Daginn út og dag­inn inn, að hugsa um það, hvernig við getum orðið að liði. Hvernig við getum sagt við okkur sjálf, að morgni dags, nú ætla ég að standa mig í vinn­unni. Og svo að kvöldi, þetta var nú góður dagur. Sér­stak­lega fyrir okkur sem erum í þjóð­kjörnum stöðum. En ég held að það yrði ekki til fram­dráttar góuðum mál­stað ef ég færi að setja mig á afskap­lega háan stall hérna og segja öðrum til synd­anna, en um leið leyfir maður sér að vona að fólk finni hjá sjálfu sér, hvað það hefur gert, og hvernig því ber að bregð­ast við.“

Tveir í leyfi - tveir reknir

Gunnar Bragi Sveins­son og Bergþór Ólason, þing­menn Mið­flokks­ins, eru komnir í tíma­bundið leyfi vegna máls­ins, en báðir við­höfðu þeir niðr­andi ummæli um þing­konur. Tveir þing­menn Flokks fólks­ins, sem tóku þátt í fund­inum, hafa verið reknir úr Flokki fólks­ins. Annar þeirra, Karl Gauti Hjalta­son, sagði meðal ann­ars um for­mann flokks­ins, Ingu Sæland, að hún gæti „grenjað en ekki stjórnað“. 

Gunnar Bragi sendi frá sér yfir­lýs­ingu þess efnis í gær að fólk ætti að líta í eigin barm áður en það dæmdi hann. „Sá yðar sem synd­laus er kasti fyrsta stein­inum,“ sagði hann og vitnað þar með í Jesús Krist. Á upp­tökum af umræðum þing­mann­anna heyr­ist Gunnar Bragi skora á þá að „hjóla í hel­vítis tík­ina“, og á þar við um Lilju Alfreðs­dóttur mennta­mála­ráð­herra, en sessu­nautur hans, Bergþór Ólason, tekur undir með orð­unum: „Þú getur riðið henni“. Áður hafði Bergþór hneyksl­ast á því að hafa ekki fengið kyn­ferð­is­legum vilja fram­gengt gagn­vart henni. „Það hefur engin gugga teymt mig meira á asna­eyr­unum en hún, sem ég hef ekki fengið að ríða. Og hún hefur teygt ykkur miklu lengur.“

Í kjöl­far þess sagði Sig­mundur Davíð Gunn­laugs­son: „Það er alveg rétt hjá þér. Henni er ekki treystandi og hún spilar á karl­menn eins og kven­fólk kann.“

Hvorki Sig­mundur Davíð né Anna Kolbrún Árna­dóttir, sem var þátt­tak­andi í umræð­unum hluta tím­ans, hafa gefið út hvort þau muni bregð­ast við. Sig­mundur hefur sagst sjá eftir því að hafa ekki stöðvað umræð­urnar.