Lögmaður Orra Páls Dýra­sonar, frá­far­andi trommara Sigur Rósar, krefst þess að Stundin stöðvi umfjöllun sína um frá­sögn ungrar, banda­rískrar konu, Meagan Boyd, sem sakar hann um nauðgun, ásamt vitn­is­burð vin­kvenna hennar. Rit­stjórum Stund­ar­innar barst bréf þess efnis í dag.

Í bréfi lög­manns­ins er farið fram á að Stundin birti ekki frek­ari umfjall­anir um frá­sögn Meagan Boyd, þar sem hún greinir frá því að  Orri Páll hefði beitt hana kyn­ferð­is­of­beldi. Stundin hafði ítrekað leitað til Orra Páls og umboðs­skrif­stofu hans vegna fréttar sem birt­ist í prentút­gáfu Stund­ar­innar á morgun, en ekki fengið svör fyrr en bréf lög­manns­ins barst.

„Eftir því sem næst verður kom­ist stendur til að birta við­tal í tíma­rit­inu Stund­inni við kon­una og hugs­an­lega vin­konur hennar,“ segir í bréf­inu. „Umbjóð­andi minn vill þess vegna árétta, að málið snýst um að settar hafa verið fram full­yrð­ingar um alvar­lega refsi­verða hátt­semi af hálfu umbjóð­anda míns, sem engar sönnur hafa verið færðar fyrir. Umbjóð­andi minn vinnur að því að fá sig hreins­aðan af þessum ásök­unum, en hafði í hyggju að gera það utan kast­ljóss fjöl­miðl­anna. Hann telur þessar ásak­anir bæði grófar æru­meið­ingar í sinn garð og frek­legt brot á frið­helgi einka­lífs hans og fjöl­skyldu, ekki síst barna hans.“

Segir umfjöllunina einhliða

Í bréf­inu segir að frek­ari skrif um málið feli í sér umfjöllun um per­sónu Orra Páls og einka­lífs­hags­muni hans, sem hann eigi rétt á að njóta friðar um. Þá sé umfjöll­unin í sam­hengi sem hann kæri sig ekki um.

„Með bréfi þessu er farið fram á að Útgáfu­fé­lagið Stundin ehf. birti ekki frek­ari umfjall­anir um ásak­anir kon­unnar í garð umbjóð­anda míns, sér­stak­lega meðan enn hafa engar sönnur verið færðar fyrir þeim og við­eig­andi yfir­völd hafa ekki tekið þær til skoð­unar. Athygli er vakin á því að Útgáfu­fé­lagið Stundin ehf. hefur ekki, og getur ekki, haft nokkra senni­lega ástæðu til að ætla að ásak­anir þess­arar konu séu réttar. Umbjóð­andi minn áskilur sér því allan rétt gagn­vart fjöl­miðl­inum ef þessar ásak­anir, sem umbjóð­andi minn hefur alfarið hafnað, eru birtar og fá frek­ari útbreiðslu með ein­hliða umfjöllun í Stund­inni, s.s. með við­tali við umrædda konu og fjöl­mið­ill­inn kjósi þannig að gera per­sónu­leg mál­efni umbjóð­anda míns að áfram­hald­andi frétta­efni, í stað þess að þau séu leyst á við­eig­andi vett­vangi.“

Umfjöllunin verður ekki stöðvuð

Rit­stjórar Stund­ar­innar, Ingi­björg Dögg Kjart­ans­dóttir og Jón Trausti Reyn­is­son, hafa svarað lög­manni Orra Páls. Þar er kröfu um stöðvun umfjöll­un­ar­innar hafnað. Umfjöll­unin verður birt í prentút­gáfu Stund­ar­innar, sem kemur út á morgun.

Svar Stund­ar­innar er eft­ir­far­andi:

Til­gangur umfjöll­unar Stund­ar­innar snýr að því að greina frá bak­grunni, vitnum og eðli þeirra atvika sem ung kona, Meagan Boyd, greindi frá og hafa verið til umfjöll­unar í fjöl­miðlum víða um heim. 

Fjallað hefur verið um málið í öllum helstu fjöl­miðlum Íslands, til dæmis Rík­is­út­varp­inu, Morg­un­blað­inu, Frétta­blað­inu, Vísi, og svo fram­vegis, en einnig erlendis, allt frá Washington Post til South China Morning Post. 

Konan steig fram í anda Me-too-bylt­ing­ar­innar, sem gengur út á að tryggja konum rými til frá­sagna, og verður umfjöllun um þau mál ekki aft­ur­kölluð. Frásögn hennar varð til þess að Orri Páll Dýrason sagði skilið við eina þekkt­ustu hljóm­sveit Íslands­sög­unnar, sem á aðdá­endur um allan heim. Umfjöll­unin er ekki ein­hliða að öðru leyti en því að Orri Páll kaus að svara ekki spurn­ingum vegna máls­ins, en þegar fram komnum skýr­ingum hans er komið skýrt á fram­færi í umfjöll­un­inni. 

Krafa Orra Páls um að umfjöll­unin verði stöðvuð stang­ast á við tján­ing­ar­frelsi kon­unnar, rétt almenn­ings til upp­lýs­inga um það sem er í sam­fé­lags­um­ræð­unni og svo tján­ing­ar­frelsi fjöl­miðla. Að stöðva umfjöllun núna, í þeim til­gangi að koma í veg fyrir að vitni greini frá og að konan færi fram frá­sögn af umræddum atvikum, er órétt­læt­an­legt. Stundin mun verj­ast fyrir dóm­stólum ef þess krefst.

Fyrir hönd Stund­ar­innar

Ingi­björg Dögg Kjart­ans­dóttir rit­stjóri

Jón Trausti Reyn­is­son rit­stjóri

---

Fyr­ir­vari um hags­muni: Í grein­inni fjallar Stundin um mögu­legt dóms­mál sem fjöl­mið­ill­inn er beinn aðili að.