Illugi Gunn­ars­son, fyrr­ver­andi mennta- og menn­ing­ar­mála­ráð­herra, hefur fengið tæpar 23 millj­ónir króna frá því hann lauk þing­mennsku í fyrra fyrir störf sem hann hefur verið skip­aður í af ráð­herrum, auk bið­launa. Illugi fékk 8,3 millj­ónir króna fyrir setu í nefnd um end­ur­skoðun ramma pen­inga­stefnu, sam­kvæmt svari for­sæt­is­ráðu­neyt­is­ins við fyr­ir­spurn Stund­ar­innar.

Þar að auki hafði Illugi fengið 3.564.000 fyrir stjórn­ar­for­mennsku í Byggða­stofnun frá apríl 2017 til júníloka 2018. Illugi hefur því fengið minnst 11,8 millj­ónir króna fyrir störf sem hann hefur verið skip­aður í af ráð­herrum eftir að hann lauk þing­mennsku 11. jan­úar 2017.

Átti hann einnig rétt á bið­launum til sex mán­aða, bæði sem þing­maður og ráð­herra, alls 10.957.638 kr. Fjár­mála­skrif­stofa Alþingis stað­festir að Illugi hafi fengið bið­launin greidd að fullu, þrátt fyrir að hann hafi þegið greiðslur frá Byggða­stofnun á meðan tíma­bil­inu stóð. „Taki þing­maður, sem fær bið­laun, við starfi meðan þeirra nýtur falla þau niður ef launin er starf­inu fylgja eru jafnhá en ella skerð­ast bið­launin sem laun­unum nemur,“ segir á vef Alþingis um bið­laun þing­manna.

„Ef þing­menn fara í vinnu hjá hinu opin­bera á bið­launa­tíma­bil­inu hefur Fjár­sýsla rík­is­ins séð um að draga af bið­launum sem nemur öðrum opin­berum launa­greiðslum,“ segir Eggert Jónsson, for­stöðu­maður fjár­mála­skrif­stofu Alþingis. „Að öðru er treyst á að þing­menn láti vita ef um önnur launuð störf er að ræða á bið­launa­tíma­bil­inu.“

Starfsmaður Samtaka atvinnulífsins fékk 8,8 milljónir

Stundin hefur áður greint frá því að Ásgeir Jónsson hag­fræð­ingur hafi fengið rúmar 13 millj­ónir króna á árunum 2017 og 2018 fyrir for­mennsku í nefnd­inni. Afurð nefnd­ar­innar var skýrsla um fram­tíð íslenskrar pen­inga­stefnu.