Bill Cosby var í gær dæmdur til þriggja til tíu ára fangelsisvistar.  Hann var einnig dæmdur til að skrá sig sem "kynferðisafbrotamaður" og til frambúðar. Hann var sakfelldur í þriggja liða líkamsárás gegn Andreu Constand í apríl síðastliðnum. Allt að sextíu konur hafa ásakað Cosby um kynferðisbrot á tímabili sem nær yfir fjóra áratugi. Umrætt atvik gegn Constand átti sér stað á heimili Cosby árið 2004. 

Réttarhöldin hafa tafist og árið 2017 voru þau dæmd ómerk vegna þess að kviðdómurinn gat ekki komið sér um sekt eða sakleysi. Byrjað var upp á nýtt í apríl árið 2018. 

Ákæruliðirnir sem sakfellt var fyrir þann 26. apríl síðastliðinn voru líkamsárás í þremur liðum, en Cosby byrlaði Constand ólyfjan eftir að hún hafði drukkið áfengi, og braut gegn henni kynferðislega. Svipaða sögu er að segja um reynslu hinna kvennana, þær tala margar um að Cosby hafi gefið þeim lyf til að slaka á og vaknað svo eftir kynferðisbrot, en sumar segjast aðeins muna eftir að hafa fengið vínglas eða annan drykk frá Cosby og vaknað svo nokkrum klukkustundum síðar.

Andrea Constand hafði áður kært Cosby en réttarhöldin fóru fram fyrir borgaralegum dómstól og hafði Constand fjórtán vitni til að leiða fram í réttarhöldum yfir honum. Cosby samdi um að greiða henni tiltekna upphæð fyrir utan réttarhöldin og varð ekki meira úr því.

Almenningsálit breytt vegna uppistands

Tveir atburðir urðu til þess að mál gegn Cosby voru tekin upp á ný. Grínistinn Hannibal Buress talaði um Cosby í uppistandi sínu árið 2014, þar sem hann minnist á hvernig Cosby talaði niður til ungra grínista og gagnrýndi þá á ósanngjarnan hátt. Hann hvatti svo áhorfendur sína til þess að slá upp „Bill Cosby rape“ í leitarvélum eftir sýninguna, og skjótt breyttist almannaálit á Cosby, en hann hafði áratugum saman verið álitinn föðurlegur grínari. 

Cosby hóf að tala um ásakanirnar og þverneitaði fyrir þær allar. Viðbrögð almennings var að gera „meme“ myndir af honum þar sem gert var mikið úr því að sýna hvernig hann væri í raun nauðgari. 

Athygli almennings var vakin, en #MeToo byltingin átti lokahöggið. Frásagnir kvenna af kynferðislegri misnotkun náði um alla kima netheims og fóru konur að tjá sig um misnotkun Cosby á hendur þeim. Allt að sextíu konur komu fram með ásakanir á hendur honum. 

Viðbrögðin settu af stað atburðarás sem endaði á ásökunum og loks ákæru Constand á hendur Cosby, þar sem þverneitun hans á öllum ásökunum var talið brot á trúnaðarsamningnum sem þau bæði undirrituðu þegar samið var um fyrra málið árið 2005. Constand var dæmt í hag sem gerði henni kleift að kæra Cosby fyrir glæpadómstólum, en ekki fyrir borgaralegum rétti eins og tíu árum áður. 

Réttarhöldin löng og erfið

Sakfellt var í apríl en að þeim tíma höfðu réttarhöldin ýmist verið lengd um vikur eða mánuði, til að mynda vegna þess að Cosby skipti út lögmönnum sínum. Daginn fyrir dóminn drógust réttarhöldin enn fremur vegna ágreinings um það hvort skikka ætti Cosby til að skrá sig sem kynferðisbrotamann eftir dóminn. Ákveðið var að gera það að lokum.

Einnig var erfitt að ákveða hversu löng fangelsisvist ætti að vofa yfir Cosby. Ákæruvaldið krafðist tíu ára fyrir hvern lið, samtals þrjátíu ára fangelsis, sem var að lokum lækkað í tíu ár að hámarki þegar ákæruliðirnir voru sameinaðir. Verjandi Cosby fór fram á að möguleg refsing verði að hámarki fimm ára stofufangelsi vegna aldurs og hrakandi heilsu Cosby, en hann er 81 árs gamall.