Fram­leið­endur og inn­flytj­endur á rafrettum og áfyll­ingum fyrir þær verða að til­kynna Neyt­enda­stofu um allar þær vörur sem þeir hyggj­ast selja sex mán­uðum áður en varan fer í  sölu. Neyt­enda­stofa skoðar vör­una og ákvarðar hvort hún upp­fylli örygg­is­staðla og fari í sölu. Fyrir hverja til­kynn­ingu þarf að greiða Neyt­enda­stofu 75.000 krónur. 

Til­kynn­ing­ar­skyldan kemur til vegna reglu­gerðar sem Svandís Svav­ars­dóttir heil­brigð­is­ráð­herra setti í byrjun mán­aðar. Félag atvinnu­rek­enda fer fram á ógild­ingu reglu­gerð­ar­innar í bréfi til Vel­ferð­ar­ráðu­neyt­is­ins, þar sem auka­kostn­aður fyrir venju­lega sér­verslun með rafrettur gæti numið 60-100 millj­ónum króna. Félagið sér ekki annað en að um sé að ræða til­raun til að kæfa atvinnu­grein­ina í fæð­ingu.

Flestar inn­fluttar rafrettur og vörur þeim tengdar hafa hingað til verið merktar CE staðli, en það þýðir að fram­leið­andi, inn­flytj­andi eða dreif­ing­ar­að­ili vör­unnar ábyrgist að hún upp­fylli þær grunn­kröfur um öryggi og almennt heil­brigði sam­kvæmt til­skip­unum Evr­ópu­sam­bands­ins. 

Til­kynn­ing­ar­skylda er á hefð­bundnum tóbaks­vörum, t.d. sígar­ettum, en ekki er rukkað gjald fyrir þær eins og fyrir rafrettur. Félagið telur minna fram­boð á rafrettum og dýr­ari notkun á þeim styrkja stöðu sígar­ett­unnar sem ódýr­ari kost.

Í bréf­inu seg­ist félagið reiðu­búið til þess að vinna með Vel­ferð­ar­ráðu­neyti að setn­ingu nýrrar reglu­gerðar „sem þjónar því mark­miði að tryggja öryggi neyt­enda, jafn­framt því að taka mið af raun­veru­legum aðstæðum á mark­aði og heil­brigðri skyn­semi.“