Takist Skúla Mogensen ekki að afla veru­legra fjár­muna inn í flug­fé­lag sitt, WOW air, á næstu vikum er hætta á að félagið fari í þrot. Þetta herma heim­ild­ar­menn á fjár­mála­mark­aði sem segja að líf flug­fé­lags­ins velti á því hvort skulda­bréfa­út­boð fyr­ir­tæk­is­ins, sem er að hefj­ast, gangi vel. Stefnt er að því að hluta­bréfa­út­boðið skili á bil­inu sex til tólf millj­örðum íslenskra króna og seg­ist Skúli sjálfur full­viss um að það tak­ist.

Fjár­hags­staða WOW air er erfið en vaxta­ber­andi skuldir fyr­ir­tæk­is­ins nema um 65 millj­örðum króna. Félagið tap­aði 2,3 millj­örðum króna á síð­asta ári og afkoma þess hefur versnað það sem af er þessu ári. Eigið fé var komið niður fyrir 5 pró­sent í júní síð­ast­liðnum en breyt­ing á kröfum Skúla sjálfs á hendur félag­inu í eigin fé og að eign­ar­hlutur hans í Cargo Express var færður undir WOW air munu hafa breytt stöð­unni nokkuð. Stjórn­völd fylgj­ast með stöðu félags­ins …