Fengu báðir hátt í milljón ofan á þingfararkaupið

Ásmundur Frið­riks­son og Haraldur Bene­dikts­son, þing­menn Sjálf­stæð­is­flokks­ins, fengu báðir hátt í milljón króna greiðslur ofan á þing­far­ar­kaupið sitt og kostn­að­ar­greiðslur í fyrra vegna starfa á vegum sam­göngu- og sveit­ar­stjórn­ar­ráðu­neyt­is­ins seinni hluta árs­ins, að mestu í ráð­herra­tíð Jóns Gunn­ars­sonar flokks­bróður þeirra.

Þetta kemur  fram í svörum sam­göngu- og sveit­ar­stjórn­ar­ráð­herra við fyr­ir­spurn Björns Levís Gunn­ars­sonar, þing­manns Pírata.

Ásmundur fékk 957 þús­und krónur fyrir að gegna for­mennsku í sam­göngu­ráði og vinna að þings­á­lykt­un­ar­til­lögu um sam­göngu­á­ætlun.

Eins og frægt er orðið fékk Ásmundur 4,6 millj­ónir end­ur­greiddar frá Alþingi vegna akst­urs­kostn­aðar sama ár. Í ljós kom að hann hafði vilj­andi ákveðið að fylgja ekki reglum um þing­far­ar­kostnað og jafn­framt látið Alþingi greiða akst­urs­gjöld vegna próf­kjörs­bar­áttu sinnar og í tengslum við þátta­gerð á ÍNN.

Sumum leið­ist fyr­ir­spurna­gleði Björns Levís Gunn­ars­sonar.

Mynd: Pressphotos.biz / Geiri

Haraldur Bene­dikts­son fékk 921 þús­und krónur fyrir vinnu við stjórn fjar­skipta­sjóðs í fyrra. Þegar þau mál­efni sem nú heyra undir sam­göngu- og sveit­ar­stjórn­ar­ráðu­neytið heyrðu undir inn­an­rík­is­ráðu­neytið fékk Haraldur sam­tals 1,26 millj­ónir vegna fjar­skipta­sjóðs. 

Fram kemur í svörum ráðu­neyt­is­ins að ekki sé haldið utan um vinnu­fram­lag þing­manna líkt og gert er þegar um verk­taka­vinnu er að ræða. Þá er jafn­framt greint frá því að sam­göngu- og sveit­ar­stjórn­ar­ráðu­neytið hafi ekki sett sér neinar reglur um setu þing­manna í nefndum á vegum ráðu­neyt­is­ins. 

Mynd: Pressphotos.biz / Geiri

Upp­lýs­ing­arnar eru veittar að beiðni Björns Levís Gunn­ars­sonar sem hefur sent öðrum ráðu­neytum sams konar fyr­ir­spurnir. Bjarni Bene­dikts­son fjár­mála­ráð­herra kvart­aði undan fjölda og umfangi fyr­ir­spurna í sumar og nefndi þessa til­teknu fyr­ir­spurn Björns sem dæmi um að þing­menn væru komnir út í móa. „Spurt er tíu ár aftur í tím­ann um alla þing­menn sem setið hafa á Alþingi, um allar nefndir sem þeir hafa setið í, hvaða afurð hafi komið út úr öllum þeim nefndum allra þing­manna sl. tíu ár. Hvernig greiðslum til þeirra hafa verið háttað, hvað ætla megi að þing­menn hafi lagt mikla vinnu í tímum talið fyrir hverja ein­ustu nefnd tíu ár aftur í tím­ann. Er ein­hver hér í salnum sam­mála mér um að þetta sé komið út í tóma þvælu?,“ sagði hann.