Tugir mis­lægra gatna­móta bæt­ast við vega­kerfi höf­uð­borg­ar­svæð­is­ins nái fram­tíð­ar­sýn Vega­gerð­ar­innar til árs­ins 2040 fram að ganga. Hægt yrði að keyra í suður frá Hval­firði til Kefla­víkur án þess að stoppa á ljósum. Þetta kemur fram í grein­ar­gerð sem Vega­gerðin gaf nýlega út sem inn­legg í svæð­is­skipu­lag á höf­uð­borg­ar­svæð­inu.

Á þriðja tug mis­lægra gatna­móta eða und­ir­ganga bæt­ast við á svo­kall­aða meg­in­stofn­vegi sem liggja í gegnum höf­uð­borg­ar­svæðið, verði áætl­anir Vega­gerð­ar­innar að veru­leika. „Það er okkar draumur svona til að halda góðri teng­ingu í gegnum höf­uð­borg­ar­svæðið,“ segir Jónas Snæ­björns­son, fram­kvæmda­stjóri þró­un­ar­sviðs hjá Vega­gerð­inni. Til við­bótar eru teiknuð inn mis­læg gatna­mót á aðra stofn­vegi, meðal ann­ars á gatna­mótum Miklu­brautar og Kringlu­mýr­ar­brautar.

Þá er gert ráð fyrir Öskju­hlíð­ar­göngum og Sunda­braut á svo­kall­aðri ytri leið, sam­kvæmt sýn Vega­gerð­ar­innar. Í grein­ar­gerð­inni segir að Vest­ur­lands­vegur um Mos­fellsbæ og Kjal­ar­nes verði fyrsti kostur að stofn­vegi til norð­urs úr höf­uð­borg­inni „þar til sátt hefur náðst við Reykja­vík­ur­borg um legu og …