Hamingjan er líklega flestum hugleikin. Hamingja fyrir einum er ekki endilega hamingja fyrir öðrum en öll sækjum við í að upplifa hana einn daginn. Katrín Amni er sammála þeirri fullyrðingu. Hún segir hamingjuna ákvörðun sem tekin er 7 daga vikunnar og 365 daga ársins.

Katrín Amni er tveggja dætra móðir og eigandi fyrirtækisins Kamni.is sem sérhæfir sig í markaðssetningu fyrirtækja, viðburðum og stefnumótun. Einnig er hún framkvæmdastjóri Félags viðskipta- og hagfræðinga. Það er því nóg að gera hjá henni í daglegu amstri. Hún leggur þó áherslu á að finna hamingjuna í hversdeginum, sama hve mörg verkefnin eru og þó þau virðist stundum óyfirstíganleg. „Ég fékk ákveðið léttlyndi og bjartsýni í vöggugjöf og er oftast frekar vel upplögð. Ég tel það lykilatriði að taka ekki lífinu of alvarlega, hvað þá að taka sjálfan sig of alvarlega, og vera örlítið kærulaus þegar kemur að því hvað fólki finnst um þig og líka …