Þessi grein birtist upphaflega í Stundinni fyrir meira en 7 árum.

Nefnd um tækifæri og ógnanir framtíðarinnar skipuð þingmönnum

Katrín Jak­obs­dótt­ir for­sæt­is­ráð­herra hef­ur skip­að „fram­tíð­ar­nefnd“ um tækni­breyt­ing­ar, lang­tíma­breyt­ing­ar á nátt­úr­unni og lýð­fræði­lega þró­un. Unn­ur Brá Kon­ráðs­dótt­ir, fyrr­ver­andi þing­mað­ur Sjálf­stæð­is­flokks­ins og nú­ver­andi að­stoð­ar­mað­ur Katrín­ar, starfar með nefnd­inni, sem er ein­vörð­ungu skip­uð þing­mönn­um.

Nefnd um tækifæri og ógnanir framtíðarinnar skipuð þingmönnum
Katrín og Unnur Brá Fyrrverandi þingmaður Sjálfstæðisflokks var ráðin aðstoðarmaður forsætisráðherra til að gegna hlutverki verkefnisstjóra við endurskoðun stjórnarskrárinnar. Mynd: Alþingi

Katrín Jakobsdóttir forsætisráðherra hefur skipað „framtíðarnefnd“ sem ætlað er að fjalla um tækifæri og ógnanir Íslands í framtíðinni. Mun hún fjalla meðal annars um langtímabreytingar á náttúrunni, lýðfræðilega þróun og þau hröðu umskipti sem eru í vændum með síaukinni sjálfvirkni og tæknibreytingum.

Eingöngu þingmenn sitja í nefndinni, sem mun skila árlegum skýrslum til Alþingis. Unnur Brá Konráðsdóttir, varaþingmaður Sjálfstæðisflokksins og aðstoðarmaður Katrínar, starfar með nefndinni.

Nefndinni er falið að skoða áskoranir og tækifæri vegna tæknibreytinga, áhrif tækniframfara og hina svokölluðu fjórðu iðnbyltingu. Nefndin skal stuðla að upplýstri umræðu um tækifæri og ógnanir framtíðarinnar og verði virkur umræðuvettvangur um framtíðarfræði.

Nefndarmenn eru Smári McCarthy, formaður, Líneik Anna Sævarsdóttir, varaformaður, Andrés Ingi Jónsson, Lilja Rafney Magnúsdóttir, Bryndís Haraldsdóttir, Njáll Trausti Friðbertsson, Halla Signý Kristjánsdóttir, Gunnar Bragi Sveinsson, Þorsteinn Víglundsson, Logi Einarsson og Inga Sæland.

Ráðin til að endurskoða stjórnarskrána

Unnur Brá Konráðsdóttir, fyrrverandi þingmaður Sjálfstæðisflokks og núverandi verkefnisstjóri hjá forsætisráðuneytinu, er fulltrúi ráðuneytisins og starfsmaður nefndarinnar. 

Unnur var ráðin sem aðstoðarmaður forsætisráðherra frá 1. apríl til að gegna hlutverki verkefnisstjóra við endurskoðun stjórnarskrárinnar. 

Tilkynnt var um ráðninguna í byrjun febrúar og haft eftir Katrínu Jakobsdóttur að það væri „mikill akkur í því að fá reynslumikinn lögfræðing með bakgrunn úr stjórnmálum, sem þar að auki nýtur trausts þvert á flokka og í samfélaginu, til að stýra þessu vandasama verkefni næstu árin“. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Biðu tímunum saman eftir viðeigandi aðgengi á Vori í Vaglaskógi
6
Fréttir

Biðu tím­un­um sam­an eft­ir við­eig­andi að­gengi á Vori í Vagla­skógi

Hjör­dís Heiða Ásmunds­dótt­ir seg­ir að­gengi hafa ver­ið mjög lé­legt á tón­list­ar­há­tíð­inni Vor í Vagla­skógi þrátt fyr­ir að hún væri aug­lýst að­gengi­leg. Eini kam­ar­inn fyr­ir hreyfi­haml­aða fyllt­ist af úr­gangi, tjald­svæði var í háu grasi og eng­ir pall­ar voru svo hægt væri að sjá svið­ið. Jakob Frí­mann Magnús­son seg­ir tón­leika­hald­ara hafa brugð­ist við af bestu getu.

Mest lesið í mánuðinum

Ferðamenn hafi þrengt sér „inn í það allra helgasta“
3
ViðtalFerðamannalandið Ísland

Ferða­menn hafi þrengt sér „inn í það allra helg­asta“

Börn manns sem var jarð­að­ur frá Vík­ur­kirkju í júní segja að ís­lensk­ur rútu­bíl­stjóri hafi hleypt tug­um ferða­manna út úr rútu við kirkj­una um klukku­stund fyr­ir at­höfn. Ferða­menn hafi tek­ið mynd­ir þeg­ar kist­an var bor­in inn fyr­ir at­höfn, reynt að kom­ast inn í kirkj­una og tog­að í fán­ann sem var dreg­inn í hálfa stöng.

Mest lesið í mánuðinum

Nýtt efni

Mest lesið undanfarið ár