Þessi grein birtist upphaflega í Stundinni fyrir meira en 7 árum.

Sjö ára barni birt stefna á hendur móður þess

Um­boðs­mað­ur barna seg­ir um skýrt brot á lög­um sé að ræða. Bæði sé ver­ið að brjóta lög um með­ferð einka­mála og barna­sátt­mála Sam­ein­uðu þjóð­anna. Móð­ir­in seg­ir sér gjör­sam­lega mis­boð­ið

Sjö ára barni birt stefna á hendur móður þess
Brotið gegn barnasáttmálanum Óheimilt er samkvæmt lögum um meðferð einkamála að afhenda börnum undir fimmtán ára stefnur. Það að sjö ára dreng hafi verið afhent stefna í gær er einnig brot á barnasáttmála Sameinuðu þjóðanna. Myndin er sviðsett. Mynd: Shutterstock

Stefnuvottur Sýslumannsins á Suðurnesjum afhenti í gær sjö ára gömlum dreng stefnu á hendur móður hans í Reykjanesbæ. Slíkt er með öllu óheimilt en ekki má afhenda neinum stefnu nema viðkomandi hafi náð fimmtán ára aldri hið minnsta. Umboðsmaður barna hyggst senda áréttingu til allra sýslumannsembætta vegna þessa.

Í gærkvöldi, 28. maí, brá Sigrún Dóra Jónsdóttir sér út á bílaplan við heimili sitt í Reykjanesbæ með fjögurra ára gömlum syni sínum, þar sem drengurinn var að æfa sig að hjóla. Á meðan að Sigrún var úti við bankaði stefnuvottur Sýslumannsins á Suðurnesjum upp á og fór annar sonur Sigrúnar, sjö ára gamall, til dyra. Þegar drengurinn hafði upplýst stefnuvottinn um að móðir sín væri ekki heima rétti stefnuvottur honum stefnuna og sagði honum að afhenda móður sinni skjalið.

Sigrún segir í samtali við Stundina að henni sé algjörlega misboðið vegna vinnubragðanna. „Það varð svo sem enginn skaði af þessu í gærkvöldi, sonur minn er aðeins sjö ára og áttaði sig ekki á hvað var um að ræða. Ef eldri sonur minn, þrettán ára sem líka var heima, hefði farið til dyra og tekið á móti þessu er ég hins vegar hrædd um að hann hefði tekið þetta nærri sér.“

„Þú réttir ekki barni svona póst“

Sigrún hafði samband við Lögregluna á Suðurnesjum í gær og tilkynnti um málið enda segist hún telja að um lögbrot sé að ræða. Þá sendi hún erindi á Sýslumanninn á Suðurnesjum, Umboðsmann barna, Sviðsstjóra Velferðarsviðs Reykjanesbæjar, dómsmálaráðherra og velferðarnefnd Alþingis þar sem hún vekur athygli á málinu.

Sigrún segist ekki ætla að opna stefnuna enda líti hún svo á að henni hafi ekki borist með réttmætum hætti. Þar í ofanálag hafi ekki verið kvittað fyrir móttöku hennar enda ekki við því að búast að sjö ára barn kvitti fyrir slíkt. „Þetta er bara rangt og menn hljóta að átta sig á því, sama hvern er um að ræða og sama hvað lögin segja, þú réttir ekki barni svona póst.“

Guðríður Bolladóttir, lögfræðingur hjá embætti Umboðsmanns barna, segir þessi vinnubrögð með öllu óheimil. „Það er ekki heimilt að birta stefnu fyrir barni sem er yngra en fimmtán ára. Það kemur bara fram í lögum um meðferð einkamála. Að afhenda barni stefnu með þessum hætti er brot á réttindum barnsins. Embætti umboðsmanns barna lítur svo á að þetta sé ekki eingöngu brot á lögum um meðferð einkamála heldur jafnframt í ósamræmi við eina af meginreglum Barnasáttmála Sameinuðu þjóðanna, um að það sem sé barninu fyrir bestu eigi alltaf að vera í forgangi. Við erum í þessum töluðu orðum að leggja lokahönd á erindi til allra sýslumannsembætta landsins þar sem við áréttum þessi sjónarmið og brýnum fyrir sýslumönnum að þeir sem sjái um stefnubirtingu sé kunnugt um þessar reglur og þeir fari að þeim. Þarna hefur orðið einhver misbrestur á því.“

Guðríður segir að sér sé ekki kunnugt um að viðlíka hafi áður komið fyrir, þó hún vilji ekki fullyrða það. Umboðsmaður barna muni svara erindi Sigrúnar og fylgjast áfram með málinu.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Indriði Þorláksson
2
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár