Fjármálaáætlun prentuð út að nýju vegna villna

Prenta þarf út fjár­mála­á­ætlun rík­is­stjórn­ar­innar að nýju vegna villna sem slædd­ust inn í grein­ar­gerð hennar. Þing­maður Pírata seg­ist hafa rekið augun í tölu­legar villur þar sem skeikar um tugi millj­arða og jafn­vel billjón króna. 

„Þings­á­lykt­un­ar­til­lagan og allt efni hennar er rétt en í ljós kom að í grein­ar­gerðum til­tek­inna mál­efna­sviða höfðu nokkrar skýr­ing­art­öflur af tækni­legum orsökum ekki skilað sér með réttum hætti,“ segir Elva Björk Sverr­is­dóttir, upp­lýs­inga­full­trúi fjár­mála­ráðu­neyt­is­ins í svari við fyr­ir­spurn Stund­ar­innar um málið. „Þegar þetta kom í ljós var skjalið upp­fært með réttum töflum í grein­ar­gerðum mál­efna­sviða.“

Mynd: Pressphotos.biz / Geiri

Björn Leví Gunn­ars­son, full­trúi Pírata í fjár­laga­nefnd, furðar sig á að þing­menn hafi ekki verið látnir vita af mál­inu fyrr. Nú sé sú staða komin upp að nefnd­ar­rit­arar Alþingis, sem aðstoða þing­menn við grein­ingu á fjár­mála­á­ætl­un­inni, fái ekki ein­tak af henni fyrr en á mánu­dag­inn næst­kom­andi. 

„Nefnd­ar­rit­arar fjár­laga­nefndar hafa ekki enn fengið ein­tak og reyndar fengu þeir heldur ekki boð á kynn­ing­ar­fund um fjár­mála­á­ætl­un­ina eins og þeir fengu í fyrra,“ segir hann í sam­tali við Stundina. „Nefnd­ar­rit­arar hjálpa okkur þing­mönnum að fara yfir fjár­mála­á­ætl­un­ina og greina hana, en þeir hafa ekki getað gert það af því að þeir hafa ekki fengið ein­tak. Þá dugar ekki að fara bara í raf­ræna ein­takið á vefnum því vill­urnar eru líka þar.“ 

Hann segir und­ar­legt að heyra fyrst af þessu frá nefnda­sviði Alþingis en ekki for­seta þings­ins.  „Þegar fjár­mála­á­ætlun var kynnt í fyrra voru ein­hverjar villur, en ekki nægi­lega margar til þess að það teld­ist nauð­syn­legt að prenta upp ný ein­tök, en nú virð­ast vill­urnar alvar­legri. Það þýðir auð­vitað að það hefur lítið upp á sig að reyna að lesa fjár­mála­á­ætl­un­ina núna, því við vitum ekki hvar vill­urnar eru. Ég hefði kannski haldið, í ljósi yfir­lýs­inga rík­is­stjórn­ar­innar um efl­ingu Alþingis og ný og betri vinnu­brögð, að það væri hægt að koma raf­rænum leið­réttum ein­tökum til þing­manna og nefnd­ar­rit­ara fyrir helgi.“ 

Björn greinir frá því á Facebook að á meðal villna sem hann hefur fundið séu „10 millj­arða munur á mál­efna­svið­inu um fjár­magns­kostnað og líf­eyrs­skuld­bind­ingar“ en jafn­framt „billjón króna munur (já, billjón) í áætl­uðu mark­miði um útflutn­ings­tekjur, þó nokkrar afrit­un­ar­villur þar sem mark­miðin eru nákvæm­lega þau sömu og í fyrra, að þar er vísað í 2018 en ekki 2019“. 

Elva Björk, upp­lýs­inga­full­trúi ráðu­neyt­is­ins, bendir á það í sam­tali við Stundina að efni þings­á­lykt­un­ar­innar liggi fyrir sem og almenn grein­ar­gerð. „Þingið hefur verið upp­lýst um að þings­á­lykt­unin verði prentuð upp vegna upp­færslu töflu­við­auka,“ segir hún.