Sig­mundur Davíð Gunn­laugs­son, for­maður Mið­flokks­ins, segir að „taka verði á“ umræð­unni á Íslandi, þar sem konur treysti sér ekki í stjórn­mál vegna „per­sónu­legs níðs“ á stjórn­mála­mönnum.

Mið­flokk­ur­inn fékk 10,9 pró­sent stuðn­ing í yfir­stöðnum alþing­is­kosn­ingum. Af sjö þing­mönnum Mið­flokks­ins er ein kona. Sig­mundur segir það „til­vilj­un­ar­kennt“. Aðeins ein kona var í odd­vita­sæti hjá Mið­flokknum, eða í efsta sæti í sínu kjör­dæmi. 44 konur voru þó í fram­boði fyrir flokk­inn.

Veruleg fækkun hefur orðið á konum á Alþingi. Nú eru konur aðeins um 38 pró­sent þing­manna, en voru 48 pró­sent fyrir kosn­ing­arnar í gær. Helsta ástæðan er hátt hlut­fall karla hjá nýju flokk­unum Mið­flokknum og Flokki fólks­ins, og svo Sjálf­stæð­is­flokknum.

Sig­mundur gaf til kynna í þjóð­mála­þætt­inum Silfrinu að lélegt braut­ar­gengi kvenna mætti rekja til umræð­unnar um stjórn­mál á Íslandi og að konur forð­uð­ust að taka sér þær ábyrgð­ar­stöður sem þar væru vegna hennar. 

„En það sem ég er að spá í sér­stak­lega, varð­andi stöðu kvenna í stjórn­málum, er áferð stjórn­n­mál­anna. Maður hefur tekið eftir því að fólk almennt, en kannski sér­stak­lega konur, hlut­falls­lega meira konur, eru ekki hrifnar af því hvernig stjórn­málin líta út. Og þar af leið­andi finnst þetta ekki freist­andi starfs­vett­vangur,“ sagði Sig­mundur. 

Konur forðist ábyrgðarstöður

Þór­hildur Sunna Ævars­dóttir, umboðs­maður Pírata, Þor­gerður Katrín Gunn­ars­dóttir, for­maður Við­reisnar og Katrín Jak­obs­dóttir, for­maður Vinstri grænna, gagn­rýndu Sigmund fyrir að gefa til kynna að konur væru að forð­ast ábyrgð­ar­stöður, fremur en að þær fengju ekki tæki­færi til að gegna þeim stöðum.

„Þetta er alvar­legt vanda­mál sem við verðum að taka á“

Sig­mundur ítrek­aði þá afstöðu sína og gaf til kynna að taka þyrfti á þjóð­fé­lags­um­ræðu um stjórn­mála­menn, til að gera stjórn­mál freist­andi starfs­vett­vang fyrir konur. „Þetta er alvar­legt vanda­mál sem við verðum að taka á að það er orðið óaðl­að­andi fyrir fólk, bæði karla og konur, hlut­falls­lega er það meira konur, að fara inn á þetta starfs­svið. Og það breyt­ist ekki á meðan stjórn­málin halda áfram að þró­ast meira og minna út í eitt­hvað svona per­sónu­legt níð. Það breyt­ist fyrst þegar við förum að snúa okkur meira að mál­efnum.“ 

Sigmundur gagnrýndur vegna hagsmunaáreksturs 

Sig­mundur Davíð þurfti að víkja úr stöðu for­sæt­is­ráð­herra í fyrra eftir að leki úr pana­ma­ískri lög­manns­stofu leiddi í ljós að hann og eig­in­kona hans áttu um hálfs millj­arðs kröfu á þrotabú íslensks banka, sem þýddi að þau höfðu veru­lega leynda hags­muni tengda einu helsta úrlausn­ar­efni stjórn­mála­manna, sem Sig­mundur kom beint að. Í siða­reglum þing­manna og ráð­herra er kveðið á um að gefa eigi upp slíka hags­muni og gera almenn­ingi kunn­ugt um þá.

Sig­mundur sagði meðal ann­ars að George Soros, alþjóð­legur fjár­festir, stæði á bak­við Panama-skjölin. Soros var hins vegar sjálfur í skjöl­unum. Þá hefur Sig­mundur ítrekað sakað Rík­is­út­varpið fyrir að hafa beitt sér óheið­ar­lega gegn sér. 

Þá sagði Sig­mundur að við­tal hann við hann væri í raun falsað, en hann yfir­gaf við­tal eftir að hafa verið spurður út í félagið Wintris, sem hélt utan um kröfu þeirra hjóna.

Sig­mundur boð­aði fyrir kosn­ingar að hann stefndi að því að draga þrjá fjöl­miðla fyrir dóm eftir kosn­ing­arnar vegna umfjall­ana um sig.