Andrés Magn­ús­son blaða­maður er ekki í leyfi frá Við­skipta­blað­inu á meðan hann starfar fyrir Sjálf­stæð­is­flokk­inn í aðdrag­anda kosn­inga. Samkvæmt heim­ildum Stund­ar­innar er Andrés, sem býr í Bret­landi, með aðsetur í Valhöll á meðan hann er staddur hér á landi þar sem hann er að hjálpa til við kosn­inga­bar­áttu Sjálf­stæð­is­flokks­ins. 

Trausti Haf­liða­son, rit­stjóri Við­skipta­blaðs­ins, svar­aði því ekki hvort fjöl­mið­ill­inn væri með siða­reglur um það hvort blaða­menn megi starfa fyrir stjórn­mála­flokk á sama tíma og þeir starfa við frétta­flutn­ing, en tók fram að Andrés væri fyrst og fremst að vinna graf­ískt efni fyrir blaðið, auk þess að skrifa pistla um fjöl­miðla. Þá skrifi hann ein­staka sinnum erlendar fréttir. „Þannig hann er ekki að skrifa um neitt sem við­kemur póli­tík í blaðið,“ sagði Trausti í sam­tali við Stundina.

Þegar Stundin náði tali af Andrési síð­degis í gær sagð­ist hann ekki hafa tíma til að svara spurn­ingum blaða­manns um málið, en bað um að fá sendar spurn­ingar í tölvu­pósti. Hann svar­aði ekki spurn­ingum Stund­ar­innar, en þess í stað greinir hann sjálfur frá því í pistli í Við­skipta­blað­inu í dag að hann sé félagi í Sjálf­stæð­is­flokknum og taki aukin heldur þátt í kosn­inga­bar­áttu hans.

Heim­ildir Stund­ar­innar herma að Andrés hafi einnig starfað að kosn­inga­bar­áttu Sjálf­stæð­is­flokks­ins í fyrra. Hann svar­aði hins vegar ekki spurn­ingum Stund­ar­innar þess efnis, né heldur hvort hann fái greitt fyrir störf sín fyrir Sjálf­stæð­is­flokk­inn.

Tók upp málflutning Bjarna í sjónvarpsþætti

Andrés var feng­inn sem álits­gjafi í þátt­inn Silfrið á RÚV síð­ast­lið­inn sunnu­dag. Þar var hann kynntur inn sem blaða­maður, en tengsl hans við Sjálf­stæð­is­flokk­inn og yfir­stand­andi störf fyrir kosn­inga­bar­áttu flokks­ins voru ekki gerð áhorf­endum kunn. Frétt Stund­ar­innar, Reykja­vík media og breska blaðs­ins Guardian, um að Bjarni Bene­dikts­son hefði fært umtals­verða fjár­muni úr Sjóði 9 í aðra sjóði Glitnis dag­inn sem neyð­ar­lögin voru sett, var meðal ann­ars rædd í þætt­inum. 

„Hér er um að ræða gamla frétt, ég myndi segja jafn­vel ekki frétt, vegna þess að henni er aug­ljós­lega kastað fram til þess að hafa áhrif á kosn­ing­arnar,“ sagði Andrés um frétta­flutn­ing­inn. Þá sagði hann tíma­setn­ing­una á frétt­inni alger­lega ljósa. „Af ein­hverjum ástæðum kjósa þeir að bíða með þessa frétt,“ sagði hann enn­fremur. 

„Ef hann væri að skrifa fréttir um póli­tík þá væri það auð­vitað mjög óheppi­legt.“

Þessi mál­flutn­ingur er sam­hljóða við­brögðum Bjarna Bene­dikts­sonar við frétt­unum. Í við­tali við RÚV á föstu­dag sagð­ist hann vera viss um að umfjöll­unin hafi verið birt á þessum tíma til að koma höggi á hann. „Blaða­mað­ur­inn sem hringdi í mig frá Bret­landi hann bein­línis sagði mér að þeir hefðu haft þessi gögn, þessar upp­lýs­ingar, í margar vikur og að þeir hefðu beðið eftir réttu tíma­setn­ing­unni,“ sagði Bjarni. 

Í þætt­inum tók Andrés þannig upp mál­flutn­ing Bjarna í mál­inu. 

Aðspurður hvort það væri ekki óheppi­legt fyrir fjöl­mið­il­inn að maður sem sé kynntur til leiks sem blaða­maður Við­skipta­blaðs­ins í umræðu­þáttum um stjórn­mál, en taki á sama tíma virkan þátt í starfi stjórn­mála­flokks, segir Trausti: „Ef hann væri að skrifa fréttir um póli­tík þá væri það auð­vitað mjög óheppi­legt. En hann er ekki að gera það, hann er ekki að taka við­töl við póli­tíkusa eða skrifa ein­hverjar póli­tískar fréttir í aðdrag­anda kosn­inga.“

Þess má geta að Jon Henley, blaða­maður Guardian sem fékk gögnin upp­haf­lega til sín, sendi í fyrra­dag frá sér yfir­lýs­ingu þar sem hann bar til baka full­yrð­ingu for­sæt­is­ráð­herra. Í henni sagð­ist Henley hafa viljað birta frétt­ina í vik­unni sem hefst mánu­dag­inn 16. októ­ber, eða jafn­vel í þeirri næstu, sem hefst 23. októ­ber. „En íslenskir starfs­fé­lagar mínir sögðu þá að ef fréttin færi út svo stuttu fyrir kosn­ingar væri hætta á að hún hefði óeðli­leg áhrif á þær. Þeir vildu birta þetta eins fljótt og hægt er, í síð­asta lagi í vik­unni sem lauk 2. októ­ber. Það er því langur vegur frá því að birt­ingu hafi verið seinkað til síð­asta föstu­dags - henni var þvert á móti flýtt um nokkrar vikur til að draga úr skað­anum,“ sagði breski blaða­mað­ur­inn.

Sagði fjölmiðla skulda Bjarna afsökunarbeiðni

Þetta er ekki í fyrsta sinn sem Andrés tekur upp varnir fyrir Bjarna á opin­berum vett­vangi. Í pistl­inum Æran, sem birt­ist á vef Við­skipta­blaðs­ins 5. ágúst síð­ast­lið­inn, gagn­rýnir hann fjöl­miðla fyrir að hafa gengið á eftir svörum frá Bjarna í sumar varð­andi mál Roberts Downey. Sagði Andrés bæði Rík­is­út­varpið og Frétta­blaðið skulda for­sæt­is­ráð­herra „mjög auð­mjúka afsök­un­ar­beiðni fyrir þessa atlögu að æru hans.“ 

Þann 2. ágúst hafði Bjarni greint frá því að hann hafi ekki gegnt emb­ætti inn­an­rík­is­ráð­herra þegar mál Roberts voru til lykta leidd í ráðu­neyt­inu, en fram að því var talið að Bjarni hefði verið starf­andi inn­an­rík­is­ráð­herra þegar Robert fékk upp­reist æru. Þann 16. júní sagði Bjarni sjálfur í við­tali við RÚV að hann hefði tekið við nið­ur­stöðu í ráðu­neyt­inu, sem hafi síðan fengið hefð­bunda með­ferð. Bjarni hefur ekki svarað fyr­ir­spurnum frá Stund­inni til lengri tíma og margar vikur liðu áður en hann tjáði sig um málið í sumar.  

„Þetta er ein­stak­lega aumt allt, því þarna hefur Bjarni verið bor­inn óbeinum sökum, sem hann hefur hvergi fengið tæki­færi til þess að bera af sér með beinum hætti; röngum sökum um stað­reyndir, sem ein­stak­lega auð­velt er að kom­ast að og stað­reyna. Einmitt það er hið sér­staka hlut­verk fjöl­miðla,“ skrif­aði Andrés um málið.