Sakar ráðherra um „helför“

Magnús Þór Haf­steins­son, rit­stjóri hér­aðs­blaðs­ins Vest­ur­lands og fram­bjóð­andi Flokks fólks­ins í síð­ustu þing­kosn­ingum, sakar Þorgerði Katrínu Gunn­ars­dóttur, sjáv­ar­út­vegs- og land­bún­að­ar­ráð­herra, um „hel­för“ vegna stefnu frá­far­andi rík­is­stjórnar í mál­efnum sauð­fjár­bænda.

Flokkur fólks­ins hefur mælst hátt í skoð­ana­könn­unum und­an­farna mán­uði og vakið athygli fyrir þjóð­ern­ispopúl­ískan mál­flutn­ing. Eitt af ein­kennum þjóð­ern­ispopúl­ískra hreyf­inga í Evrópu er til­hneig­ing þeirra til að gera lítið úr atburðum á borð við hel­för­ina.

„Stöðvið hel­för land­bún­að­ar­ráð­herra!“ er tit­ill­inn á leið­ara Magnúsar í Vest­ur­landi um stöðu sauð­fjár­ræktar sem var end­ur­birtur á Eyjunni um helg­ina. „Þor­gerður Katrín Gunn­ars­dóttir land­bún­að­ar­ráð­herra Við­reisnar vill láta lóga fimmtu hverju [sic] kind í land­inu,“ segir í leið­ar­anum. „Það verður að stöðva fyr­ir­ætl­aða hel­för land­bún­að­ar­ráð­herra. Það verður að koma í veg fyrir það með öllum til­tækum ráðum að hatur Við­reisnar á íslenskum land­bún­aði og fyr­ir­litn­ing þessa flokks á full­veldi þjóð­ar­innar fái að brjót­ast út með þessum barna­lega hætti.“

Magnús Þór var þing­flokks­for­maður Frjáls­lynda flokks­ins á árunum 2003 til 2007 og vakti meðal ann­ars athygli fyrir þing­ræður og grein­ar­skrif um að tak­marka ætti frjálst flæði launa­fólks frá nýjum ríkjum EES og „stýra flæði erlendra nýbúa til lands­ins“.

Hann rataði svo í frétt­irnar árið 2008 þegar hann lagð­ist gegn því að Akra­nes­bær tæki á móti þrjá­tíu palest­ínskum flótta­mönnum. Nýlega þýddi hann bók­ina „Þjóð­ar­plágan íslam“ eftir Hege Storhaug, norska bar­áttu­konu gegn múslimum sem gagn­rýnd hefur verið fyrir að ala á hatri gegn inn­flytj­endum.