Héraðsdómur Austurlands hefur dæmt mann í tveggja mánaða skilorðsbundið fangelsi og til 400 þúsund króna sektargreiðslu fyrir að senda 15 ára stúlku óviðeigandi skilaboð á Snapchat.

Maðurinn, sem er ekki nafngreindur í dómnum, var ekki talinn andlega veikur eða vanþroska samkvæmt mati sem lagt var fyrir héraðsdóm. Hann hefur ekki áður gerst sekur um refsivert brot.

Maðurinn játaði brotið, að hafa 12. mars síðastliðinn sett sig í samband við 15 ára stúlku í gegnum Snapchat og viðhaft kynferðislegt tal við hana með því að senda henni mynd sem á stóð „riða í kvöld?“ og mynd af kynfærum karlmanns í fullri reisn.

Var tekið til greina að hann hefði gengist við broti sínu en á móti litið til þess að þolandi hafi verið 15 ára. Var hann því dæmdur til tveggja mánaða fangelsis en fullnustu refsingar frestað gegn því að hann haldi almennu skilorði í tvö ár. Þá ber honum að …