Ekkert liggur fyrir um að auka tíðni eða lengja þjónustutíma almenningssamgangna til og frá Keflavíkurflugvelli en „áfram verður gengið út frá því“ að þjónustan verði bætt.
Þetta kemur fram í svörum innviðaráðuneytisins við fyrirspurn Heimildarinnar um almenningssamgöngur til og frá flugvellinum en til stendur að gera nýja samantekt á fyrirliggjandi greiningum og tillögum til að móta valkosti til framtíðar á grundvelli Samgönguáætlunar til 2030.
Starfshópur um bættar almenningssamgöngur á milli höfuðborgarsvæðisins og Keflavíkurflugvallar lagði til að þjónustutími yrði lengdur og tíðni ferða aukinn á leið 55, einu strætóleiðinni sem gengur á milli flugvallarins og borgarinnar. Þetta var lagt til að framkvæma árið 2025 í skýrslu starfshópsins sem skilað var í september 2024.
Leið 55 gengur frá Keflavíkurflugvelli til Reykjavíkur en lengi hefur verið gagnrýnt að biðstöð Strætó sé í nokkurri fjarlægð frá flugstöðinni á meðan Flybus rútur Reykjavík Excursions stoppa beint fyrir utan bygginguna.
Airport …
Stöðugt er talað um orkuskipti, minni losun og eflingu almenningssamgangna, en leið 55 er enn rekin með of fáum ferðum, takmörkuðum þjónustutíma og tengingum sem gera hana lítt raunhæfa fyrir ferðamenn og starfsfólk í Leifsstöð.
Starfshópur skilaði tillögum árið 2024. Tveimur árum síðar á enn að halda áfram að greina og móta valkosti. Hversu lengi á að greina sjálfsagða hluti?
Bein og regluleg tenging milli Keflavíkurflugvallar, Suðurnesja og höfuðborgarsvæðisins ætti að vera sjálfsagður hluti af grunnsamgöngukerfinu.
Það vantar ekki fleiri skýrslur. Það vantar ákvörðun, fjármögnun og framkvæmd.