Rússland gæti hafið „takmarkaða“ herferð gegn NATO-ríki aðeins einu ári eftir að stríðinu í Úkraínu lýkur, að mati hollenska varnarmálaráðuneytisins, sem varaði við því í dag.

Í árlegu stefnuskjali sínu um varnarmál sagði ráðuneytið að Evrópa stæði á „gráu svæði“ milli stríðs og friðar og hét því að auka fjárfestingar Hollendinga í varnarmálum, einkum í ómönnuðum vopnum eins og drónum.

„Hollenska leyniþjónustan telur að Rússland sé að búa sig undir langvarandi átök við Evrópu,“ sagði ráðuneytið í skýrslu sinni.

„Í versta falli gæti takmarkað stríð gegn NATO-ríkjum verið mögulegt innan eins árs frá því að stríði Rússa í Úkraínu lýkur,“ sögðu embættismennirnir.

Viðvörunin kemur á sama tíma og NATO-ríkin búa sig undir leiðtogafund í tyrknesku höfuðborginni Ankara 7.–8. júlí þar sem ógnin frá Moskvu verður ofarlega á baugi.

Mark Rutte, yfirmaður NATO, hefur sagt að Rússland „gæti verið tilbúið að beita hervaldi gegn NATO innan fimm ára“.

Til að …