Síminn hefur gengið til viðræðna við Sýn um kaup á Vísi, Bylgjunni og öðrum útvarpsstöðvum fyrirtækisins. Sjónvarpsstöðin Sýn, sem eitt sinn hét Stöð 2, fylgir ekki í kaupunum. Gengið er út frá því í viðræðunum að heildarvirði viðskiptanna nemi 5.250 milljónum.

Þetta kemur fram í tilkynningum fyrirtækjanna tveggja til Kauphallarinnar, en bæði félög eru skráð á markað. „Rekstrareiningin sem um ræðir inniheldur vefmiðlana Vísi, Já.is, Innherja og Bland.is ásamt útvarpsmiðlum Bylgjunnar, Léttbylgjunnar, Gullbylgjunnar, FM957, X977 og hlaðvarpsveitunni Tal,“ segir þar.

Niðurstaðan um hvort af verður kaupunum eða ekki veltur á áreiðanleikakönnun, samkomulagi um endanlegan kaupsamning, samþykkt stjórna beggja fyrirtækja og opinberra eftirlitsaðila. 

Í tilkynningunum kemur fram að tekjur af þessum rekstri hafi numið um þremur milljörðum króna á síðasta ári. 

Í tilkynningu sýnar segir að salan sé liður í því að einfalda starfsemi fyrirtækisins og styrkja rekstrargrundvöll til framtíðar. Í tilkynningu Símanns segir að fjölmiðlareksturinn falli vel að starfsemi þess …