Pakistan gerði sprengjuárásir á stórar borgir í Afganistan, þar á meðal höfuðborgina Kabúl, í morgun. Varnarmálaráðherra Pakistans lýsti því yfir að nágrannaríkin væru í „opnu stríði“ eftir mánaðalanga bardaga þar sem ríkin hafa skipst á skotum.

Fréttamenn AFP í Kabúl og Kandahar heyrðu sprengingar og þotur yfir höfði sér fram að dögun, þegar Pakistan hóf loftárásir á afgönsku höfuðborgina og suðlægt valdasetur talíbanastjórnarinnar þar.

Nálægt mikilvægu landamærastöðinni Torkham milli landanna tveggja heyrði fréttamaður AFP skothríð frá því um klukkan 9.30, sem er 5.00 að íslenskum tíma, á föstudag og búðir sem hýsa Afgana sem snúa aftur í stórum stíl frá Pakistan urðu fyrir árásum í bardögum næturinnar.

„Börn, konur og gamalt fólk hlupu um,“ sagði Gander Khan, 65 ára gamall endurkomumaður, við AFP fyrir framan raðir af tjöldum í Omari-búðunum.

Þessi nýja aðgerð Pakistans kom í kjölfar þess að afganskar hersveitir réðust á pakistanska landamæraverði á fimmtudagskvöld vegna fyrri …