Atlantshafsbandalagið, NATO, tilkynnti í dag að ný aðgerð til að efla öryggi á norðurslóðum væri hafin. Þetta er gert til að sefa Donald Trump Bandaríkjaforseta eftir að hann dró til baka kröfur sínar um að taka yfir Grænland. 

„Arctic Sentry undirstrikar skuldbindingu bandalagsins til að vernda aðildarríki sín og viðhalda stöðugleika á einu af hernaðarlega mikilvægustu og umhverfislega erfiðustu svæðum heims,“ sagði Alexus Grynkewich, bandarískur hershöfðingi og yfirhershöfðingi bandamanna í Evrópu, í yfirlýsingu. 

NATO sagði að þessi „fjölþætta aðgerð“ myndi í upphafi sameina verkefni sem aðildarríki bandalagsins eru þegar að framkvæma á svæðinu, svo sem komandi æfingar Noregs og Danmerkur.

Óljóst var hvort nýja aðgerðin myndi fela í sér að meiri hernaðargeta yrði send á svæðið.

Hótanir Trumps gagnvart Grænlandi í síðasta mánuði – sem hann byggði á meintri ógn frá Rússlandi og Kína á norðurslóðum – …