Einn er látinn eftir alvarlegt umferðarslys á Biskuptstungnabraut, sunnan við Þrastarlund, upp úr klukkan hálf tvö í dag. Þetta er fyrsta banaslysið í umferðinni í ár.

Um var að ræða árekstur tveggja bifreiða og þrír einstaklingar voru í bifreiðunum. Tveir voru fluttir til aðhlynningar á Heilbrigðisstofnun Suðurlands en ökumaður annarrar bifreiðarinnar var úrskurðaður látinn á vettvangi.

Ásamt lögreglu voru sjúkrabifreiðar Heilbrigðisstofnunar Suðurlands, Brunavarnir Árnessýslu og þyrla Landhelgisgæslu boðuð á vettvang en þyrla afturkölluð skömmu síðar. Jafnframt var Rannsóknarnefnd samgönguslysa boðuð. 

Rannsóknardeild lögreglunnar á Suðurlandi fer með rannsókn slyssins og ekki verða gefnar frekari upplýsingar að sinni.

Fyrsta banaslysið í umferðinni í fyrra varð 21. febrúar, en nú á það sér stað á þriðja degi ársins. Í fyrra létust tíu í umferðinni.

Uppfært: Maðurinn sem lést í slysinu er myndlistamaðurinn Goddur, Guðmundur Oddur Magnússon. Hann var stjötugur að aldri og var þekktur sem helsti listgagnrýnandi landsins.